اَلشَّلِيلُ [eş-Şelîl] (أَمِيرٌ [emîr] vezninde) Bir belde adıdır. Ve
شَلِيلٌ [şelîl] Devenin sağrısına örttükleri pâlâsa ve cecime denir ki yünden yâhûd kıldan mensûc olur, Türkîde götlük taʹbîr olunur; ʹArablar ve Türkmenler atlara dahi ederler. Ve cenkte zırh altından giydikleri câmeye denir; yukâlu: لَبِسَ الشَّلِيلَ أَيِ الْغِلَالَةَ تُلْبَسُ تَحْتَ الدِّرْعِ Ve büyük zırh altından giyilen küçük zırha denir, ʹalâ-kavlin mutlakan zırha denir; cemʹi شِلَّةٌ [şillet]tir, şîn’in kesriyle جِلَّةٌ [cillet] vezninde. Ve derede yâhûd derenin vasatında olan su mecrâsına denir. Ve kokar ilik ve murdâr ilik dedikleri iliğe denir, نُخَاعٌ [nuḣâʹ] maʹnâsına. Ve arka etinde olan yol yol tarîkalara denir ki arka ile bilece mümtedd olur; pes müfredi شَلِيلَةٌ [şelîlet]tir. Ve
شَلِيلٌ [Şelîl] Ashâbdan Cerîr b. ʹAbdullâh el-Becelî ceddinin ismidir. Ve Şelîl b. Muhelhil, Ḩâfıż ʹAbdulmu΄min ed-Dimyâṯî şeyhidir.
اَلشَّلِيلُ [eş-şelîl] (şîn’in fethi ve lâm’ın kesri ve meddiyle) Şol nesnedir ki dirʹin altına giyerler, gerek bezden olsun gerek gayrıdan olsun. Ve bu Ebû ʹUbeyde rivâyetidir. Ve Ebû ʹUbeyde eyitti: Gâh olur dirʹ-i ʹulyânın tahtına giydikleri dirʹ-i kasîre dahi شَلِيلٌ [şelîl] derler.
Sitemizde detaylı hızlı ve kolay arama ekranı