Kamus-ı Muhit - المعاومة maddesi

اَلْمُعَاوَمَةُ [el-muʹâvemet] (مُفَاعَلَةٌ [mufâʹalet] vezninde) Ağaç bir sene yemiş verip bir sene hâlî kalmak maʹnâsınadır; yukâlu: عَاوَمَتِ النَّخْلَةُ إِذَا حَمَلَتْ سَنَةً وَلَمْ تَحْمِلْ سَنَةً Ve ecîr ve hizmet-kârı yıllık ile tutmak maʹnâsınadır; yukâlu: عَاوَمَ فُلَانًا إِذَا عَامَلَهُ بِالْعَامِ Ve şol مُعَاوَمَةٌ [muʹâvemet] ki hakkında nehy-i şerʹî vârid olmuştur, murâd bu senelik ekini bir adamın sene-i âtiyede hâsıl olacak ekinine mukâbil beyʹ eylemektir yâhûd medyûnun zimmetinde deyn mütekarrer olmakla mikdâr-ı deyni üzere biraz meblag ziyâde edip vaʹdesini bir sene sonraya te΄hîr eylemekten ʹibârettir. Mü΄ellif bununla işbu hadîse işâret eylemiştir. Kâle fi’n-Nihâye fî hadîsi’l-beyʹ: “نَهَى عَنِ الْمُعَاوَمَةِ” وَهِيَ بَيْعُ ثَمَرِ النَّخْلِ وَالشَّجَرِ سَنَتَيْنِ وَثَلَاثًا فَصَاعِدًا Ve kâle fî Lisâni’l-ʹArab أَنْ تَبِيعَ زَرْعَ عَامِكَ بِمَا يَخْرُجُ مِنْ قَابِلٍ فِي أَرْضِ الْمُشْتَرِي Ve kâle’l-Ezherî: أَنْ تَبِيعَ زَرْعَ عَامِكَ أَوْ ثَمَرَ نَخْلِكَ أَوْ شَجَرِكَ لِعَامَيْنِ أَوْ ثَلَاثَةٍ Ve kâle’l-mü΄ellif: أَنْ تَبِيعَ زَرْعَ عَامِكَ أَوْ أَنْ تَزِيدَ عَلَى الدَّيْنِ شَيْئًا وَتُؤَخِّرَهُ

Vankulu Lugatı - المعاومة maddesi

اَلْمُعَاوَمَةُ [el-muʹâvemet] (mîm’in zammı ve vâv’ın fethiyle) Hurmâ ağacı bir yıl yemiş verip ve bir yıl vermemek. Ve

مُعَاوَمَةٌ [muʹâvemet] Ecîr olan kimse yılla işlemek maʹnâsına da gelir, nitekim مُشَاهَرَةٌ [muşâheret] ay ile işlemeğe derler. Ve baʹzılar eyitti: menhî olan مُعَاوَمَةٌ [muʹâvemet] bir yılın ekinin iki yıla, üç yıla beyʹ etmektir.