Kamus-ı Muhit - النجش maddesi

اَلنَّجْشُ [en-necş] (nûn’un fethi ve cîm’in sükûnuyla) Metâʹ sâhibi müşterîye metâʹını medh ve vasf ederken tervîc için bir âher kimse dahi sâhibine muvâfakat eylemek yaʹnî berâberce medh ve vasf eylemek maʹnâsınadır. ʹAlâ-kavlin iştirâsı matlûbu değil iken ziyâde paha ile satılmak için musannaʹ olmak üzere metâʹa ziyâde paha ile müşterî olmak maʹnâsınadır, tâ ki metâʹ-ı mezbûre nâzır olan o pahaya giriftâr ola. Ve ʹalâ-re΄yîn nâsı bir metâʹdan zemm ve kadh ile tenfîr edip metâʹ-ı âhere sarf ve imâle eylemek maʹnâsınadır; yukâlu: نَجَشَ الرَّجُلُ فِي الْبَيْعِ نَجْشًا مِنَ الْبَابِ اْلأَوَّلِ إِذَا وَاطَأَ رَجُلاً يُرِيدُ بَيْعًا أَنْ يَمْدَحَهُ أَوْ هُوَ أَنْ يُرِيدَ الْإِنْسَانُ أَنْ يَبِيعَ بِيَاعَةً فَيُسَاوِمَهُ الْآخَرُ فِيهَا بِثَمَنٍ كَثِيرٍ لِيَنْظُرَ إِلَيْهِ نَاظِرٌ فَيَقَعَ فِيهَا أَوْ أَنْ يُنَفِّرَ النَّاسَ عَنِ الشَّيْءِ إِلَى غَيْرِهِ Kâle’ş-şârih ve fi’l-hadîs: ḣأَنَّهُ نَهَى عَنِ النَّجْشِ فِي الْبَيْعِḢ Ve

نَجْشٌ [necş] Sayd olunacak cânveri ürkütüp yerinden kaldırmak maʹnâsınadır. Ve bu maʹnâ-yı mevzûʹudur; yukâlu: نَجَشَ الصَّيْدَ إِذَا أَثَارَهُ Ve bir nesneyi araştırıp yerinden depretmek maʹnâsınadır; yukâlu: نَجَشَ الشَّيْءَ إِذَا بَحَثَ عَنْهُ وَاسْتَثَارَهُ Ve biriktirmek maʹnâsınadır; yukâlu: نَجَشَهُ إِذَا جَمَعَهُ Ve istihrâc maʹnâsına müstaʹmeldir; yukâlu: نَجَشَ الشَّيْءَ إِذَا اسْتَخْرَجَهُ Ve âteş yakmak maʹnâsınadır; yukâlu: نَجَشَ النَّارَ إِذَا أَوْقَدَهَا Ve sürʹat eylemek maʹnâsınadır; yukâlu: مَرَّ فُلاَنٌ يَنْجُشُ أَيْ يُسْرِعُ

Vankulu Lugatı - النجش maddesi

اَلنَّجْشُ [en-necş] (nûn’un fethi ve cîm’in sükûnuyla) Avı ürkütüp kaldırmak; tekûlu: نَجَشْتُ الصَّيْدَ أَنْجُشُهُ نَجْشًا مِنَ الْبَابِ الْأَوَّلِ إِذَا اسْتَثَرْتَ Yaʹnî avı ürkütüp tuzaktan cânibe sevk etmek. Ve

نَجْشٌ [necş] Bir kimsenin metâʹın murâdın değil iken artırmaktır, gayrılar görüp râgıb olsun diye ki bunun hakkında “لَا تَنَاجَشُوا” hadîsiyle nehy vârid olmuştur. Ve

نَجْشٌ [necş] Deveyi dağıldıktan sonra cemʹ etmeğe ve sürʹat etmeğe de derler; yukâlu: مَرَّ فُلَانٌ يَنْجُشُ نَجْشًا أَيْ أَسْرَعَ