el-vezîm ~ اَلْوَزِيمُ

Kamus-ı Muhit - الوزيم maddesi

اَلْوَزِيمُ [el-vezîm] وَزِيمَةٌ [vezîmet] maʹnâsınadır. Ve keler ve çekirge makûlesinin pastırmasına denir ki kurutup dövdükten sonra yağla halt edip bedevîler ekl eder. Ve tencerede kalan çorba bakiyyesine denir. Ve her şey΄in bakiyyesine denir. Ve biryâna ve kebâba denir, شِوَاءٌ [şivâ΄] maʹnâsına.

Vankulu Lugatı - الوزيم maddesi

اَلْوَزِيمُ [el-vezîm] (vâv’ın fethi ve zâ’nın kesri ve meddiyle) Şol ettir ki kuruturlar. Ebû Saʹîd eyiti: Kilâbî’den istimâʹ ettim ki وَزِيمَةٌ [vezîmet] odur ki keler kısmını pişirip kuruturlar, baʹdehu döğüp ekl ederler. Ve çekirgeden olan وَزِيمَةٌ [vezîmet]in dahi hâli budur dedi. Ve

وَزِيمٌ [vezîm] eti sık olan kimseye dahi derler; yukâlu: رَجُلٌ وَزِيمٌ إِذَا كَانَ مُكْتَنِزَ اللَّحْمِ Ve

وَزِيمٌ [vezîm] Bir yere devşirilen tâze ota dahi derler, Ebû Saʹîd rivâyeti üzere. Ve baʹzılar eyitti: وَزِيمٌ [vezîm] yeni zuhûr eden hurmâ çiçeğidir ki erkek hurmâdan aşılatmak için şakk olunur, baʹdehu hurmâ yaprağıyla bağlanır.

Sıradaki Maddeler

Arama ekranı

Sitemizde detaylı hızlı ve kolay arama ekranı