اَلصَّعْصَعَةُ [eṡ-ṡaʹṡaʹat] (زَلْزَلَةٌ [zelzelet] vezninde) Dağıtmak maʹnâsınadır; yukâlu: صَعْصَعَ الْقَوْمَ إِذَا فَرَّقَهُمْ Ve bir nesneden belinleyip korkmak maʹnâsınadır; yukâlu: صَعْصَعَ مِنْهُ إِذَا فَرِقَ Ve depretmek maʹnâsınadır; yukâlu: صَعْصَعَ الشَّيْءَ إِذَا حَرَّكَهُ Ve başın saçını dühnle çimdirmek maʹnâsınadır; yukâlu: صَعْصَعَ رَأْسَهُ بِالدُّهْنِ إِذَا رَوَّاهُ بِهِ Ve
صَعْصَعَةٌ [ṡaʹṡaʹat] Bir nevʹ nebât adıdır ki ishâl için kullanırlar, ʹalâ-kavlin mutlakan müshil olan nebâta denir. Ve
صَعْصَعَةٌ [Ṡaʹṡaʹat] Esâmîdendir: Ṡaʹṡaʹa b. Muʹâviye, Hevâzin kabâ΄ilinden bir kabîlenin pederidir. Ve ʹAbdurraḩmân b. ʹAbdullâh b. ʹAbdurraḩmân b. Ebî Ṡaʹṡaʹa tâbiʹîndendir; İmâm Mâlik’in ve İbn ʹUyeyne’nin şeyhidir. Ve baʹzı muhaddisîn, ismini kalble ʹAbdullâh b. ʹAbdurraḩmân ʹunvânında îrâd eylediler.
اَلصَّعْصَعَةُ [eṡ-ṡaʹṡaʹat] (ʹalâ-vezni اَلزَّلْزَلَة [ez-zelzelet]) ve
اَلصَّعْصَاعُ [eṡ-ṡaʹṡâʹ] (ṡâd’ın kesri ve ʹayn’ın sükûnuyla) Bir nesneyi tahrîk etmek; yukâlu: صَعْصَعْتُهُ فَتَصَعْصَعَ إِذَا حَرَّكْتَهُ فَتَحَرَّكَ مِثْلُ زَعْزَعْتُهُ فَتَزْعَزَعَ Ve
صَعْصَعَةٌ [ṡaʹṡaʹat] Tefrîk maʹnâsına dahi gelir; yukâlu: صَعْصَعْتُهُ فَتَصَعْصَعَ أَيْ فَرَّقْتُهُ فَتَفَرَّقَ
Sitemizde detaylı hızlı ve kolay arama ekranı