اَلْعَقِيدُ [el-ʹaḵîd] (أَمِيرٌ [emîr] vezninde) مُعَاقِدٌ [muʹâḵid] maʹnâsınadır ki birbirinden müfârakat eylememek üzere ʹahd ve peymân eden kimselerin her biridir; ehadühümâ âherin ʹakîdidir, حَلِيفٌ [ḩalîf] dahi derler; yukâlu: هُوَ عَقِيدُهُ أَيْ مُعَاقِدُهُ Ve
عَقِيدٌ [ʹaḵîd] ve
مُعَاقِدٌ [muʹâḵid] مُعَاهِدٌ [muʹâhid] maʹnâsınadır ki bir nesnenin yâ bir emrin hıfz ve nigâhını ʹakd-i kalble mültezim olan kimsedir; yukâlu: هُوَ عَقِيدُهُ وَمُعَاقِدُهُ أَيْ مُعَاهِدُهُ Ve ʹArablar bi’t-tabʹ kerîm olana عَقِيدُ الْكَرَمِ [ʹaḵîdu’l-kerem] ve bi’t-tabʹ le΄îm olana عَقِيدُ اللُّؤْمِ [ʹaḵîdu’l-lu΄m] ıtlâk ederler, zikr olunan مُعَاهِدٌ [muʹâhid] maʹnâsından me΄hûzdur yâhûd bi-maʹnâ mefʹûldür.
اَلْعَقِيدُ [el-ʹaḵîd] (ʹayn’ın fethi ve ḵâf’ın kesriyle) Kavî ve galîz olan nesne. Ve
عَقِيدٌ [ʹaḵîd] Bir nesneyi mukarrer kılıcı maʹnâsına da gelir; yukâlu: عَقِيدُ الْكَرَمِ وَعَقِيدُ اللَّوْمِ Yaʹnî “İhsânı ve isâ΄eti ciheti sâbittir.”
Sitemizde detaylı hızlı ve kolay arama ekranı