اَلْأَعْفَرُ [el-aʹfer] (أَحْمَرُ [aḩmer] vezninde) Zikr olunan عَفَرٌ [ʹafer]den vasftır, şol âhûya denir ki beyâzına humret ʹârız ola ki bozumtuk kızıl, ʹalâ-kavlin zâhirinde kızıllık olup böğürlerinden karnına kadar beyâz ola yâhûd şedîdü’l-beyâz olmayarak ak ola ki akçıl boz olur; yukâlu: ظَبْيٌ أَعْفَرُ وَهُوَ مَا يَعْلُو بَيَاضَهُ حُمْرَةٌ أَوِ الَّذِي فِي سَرَاتِهِ حُمْرَةٌ وَأَقْرَابُهُ بِيضٌ أَوِ الْأَبْيَضُ لَيْسَ بِالشَّدِيدِ الْبَيَاضِ Mü΄ennesinde عَفْرَاءُ [ʹafrâ΄] denir. Ve
عَفْرَاءُ [ʹafrâ΄] Ak olan nesnelere ıtlâk olunur; بَيْضَاءُ [beyḋâ΄] maʹnâsına; te΄nîsi mevsûf iʹtibârıyladır. Ve şol beyâz arza vasf olur ki aslâ pâymâl olmamış ola; yukâlu: أَرْضٌ عَفْرَاءُ أَيْ بَيْضَاءُ لَمْ تُوطَأْ Ve
عَفْرَاءُ [ʹAfrâ΄] Bir arzın ismidir. Ve Filestîn kazâsında bir kalʹa adıdır. Ve bir hatun ismidir. Ve
قَصْرُ عَفْرَاءَ [Ḵaṡru ʹAfrâ΄] Şâm’da bir mevziʹdir, Nevâ kurbündedir.
Sitemizde detaylı hızlı ve kolay arama ekranı