اَلْمَاعِزُ [el-mâʹiz] مَعْزٌ [maʹz]ın müfredidir, erkeğine ve dişisine ıtlâk olunur. Cemʹi مَوَاعِزُ [mevâʹiz]dir. Ve
مَاعِزٌ [mâʹiz] Gövdesinin sinirleri kavî ve şedîd olan adama denir; yukâlu: رَجُلٌ مَاعِزٌ أَيِ الشَّدِيدُ عَصْبِ الْخَلْقِ Ve keçinin derisine dahi denir; yukâlu: سَلَخَ الْمَاعِزَ أَيْ جِلْدَ الْمَعَزِ Ve sevâd-ı ʹIrâḵ’ta bir karye adıdır. Ve şol adama ıtlâk olunur ki nefsinde sâhib-i şehâmet olmakla verâsından kasd eden bed-hâhlarını defʹ ve menʹ eder ola; yukâlu: رَجُلٌ مَاعِزٌ أَيْ شَهْمٌ مَانِعٌ مَا وَرَاءَهُ Ve
مَاعِزٌ [Mâʹiz] Bir batn pederinin ismidir. Ve Mâʹiz b. Mâlik el-Eslemî zamân-ı saʹâdette recm olundu. Ve Mâʹiz b. Mucâlid ve Mâʹiz b. Mâʹiz ve Mâʹiz Temîmî ki bir mahalle nisbeti nâ-maʹlûmdur, sahâbîlerdir.
اَلْمَوَاعِزُ [el-mevâʹiz] (mîm’in fethi ve ʹayn’ın kesriyle) Cemʹi, dişi keçiler maʹnâsına. Ve
مَاعِزٌ [mâʹiz] Keçi derisine dahi derler.
Sitemizde detaylı hızlı ve kolay arama ekranı