اَلْمَحَالَةُ [el-meḩâlet] (سَحَابَةٌ [seḩâbet] vezninde) Büyük makaraya ve çarka denir ki ona deve koşup kuyudan su çekerler; tâ΄ vahdetiyyedir; yukâlu: إِسْتَقَى عَلَى الْمِحَالَةِ أَيِ الْبَكَرَةُ الْعَظِيمَةُ Mü΄ellif bunu “ح،و،ل” mâddesinde dahi sebt eylemiştir ki dönmek maʹnâsından me΄hûzdur. Burada mîm’ini asliyye iʹtibâr eylemiştir. Zâhiren mekr ve hîle yâhûd kuvvet ve şiddet maʹnâlarından mutasavverdir. Ve
مَحَالَةٌ [meḩâlet] Deve kısmının arka omurgalarından bir omurgaya denir; cemʹleri مَحَالٌ [meḩâl] gelir hâ’sız ve cemʹü’l-cemʹi مُحْلٌ [muḩl] gelir mîm’in zammıyla. Ve iskeleye denir ki duvarcılar ve sıvacılar onun üzerinde oturup ʹamel ederler karaçav dahi taʹbîr olunur; yukâlu: عَمِلَ الطَّيَّانُ عَلَى الْمَحَالَةِ وَهِيَ الْخَشَبَةُ الَّتِي يَسْتَقِرُّ عَلَيْهَا الطَّيَّانُونَ
اَلْمَحَالُ [el-meḩâl] (mîm’in fethiyle) ve
اَلْمَحَالَةُ [el-meḩâlet] (kezâlik mîm’in fethiyle) Büyük bekredir ki onunla deve kuyudan su çeker. Ve
مَحَالَةٌ [meḩâlet] Arka kemiğine dahi derler, فَقَارَةٌ [feḵâret] maʹnâsına.
Sitemizde detaylı hızlı ve kolay arama ekranı