Kamus-ı Muhit - محرم maddesi

Şârih der ki gerçi murâd evvel-i şühûr-i sene olan aydır ki muharremu’l-harâmdır, lâkin mü΄ellifin أَصَبُّ ile tavsîfi mülâyim değildir, zîrâ أَصَبُّ lafzı أَصَّمُ gibi mâh-ı recebin vasfıdır, duhûlünde silâhlar elden döküldüğü için, yaʹnî onda kıtâl terk olunduğu için muttasıf olmuştur. Ve mü΄ellif bunu mâddesinde beyân eylememiştir.Kezâlik شَهْرُ اللهِ dahi recebin evsâfındandır, hattâ eşhür-i hurum taʹrîfinde kendisi dahi tasrîh eylemiştir, lâkin eşhür-i mübârekenin her birine taʹzîmen شَهْرُ اللّٰه [şehrullâh]ıtlâk olunmuştur, nihâyet birer vasf-ı mahsûsla temyîz ederler. Meselâ muharreme شَهْرُ اللهِ الْحَرَامُ [şehrullâhi’l-ḩarâm]ve recebe شَهْرُ اللهِ الْأَصَمُّ [şehrullâhi’l-eṡamm]ve şaʹbâna شَهْرُ اللهِ الْمُعَظَّمُ [şehrullâhi’l-muʹażżam]ve ramâzana شَهْرُ اللهِ الْمُبَارَكُ [şehrullâhi’l-mubârek]ıtlâk ederler. Ve kaldı ki أَصَبُّ[eṡabb] vasfı muharreme recebden ezyed mülâyimdir. Ve mü΄ellif “ص،م،م” mâddesinde recebi أَصَمُّ[eṡamm] ile vasf eylemiştir, fe’lyunzar. İntehâ. Ve

مُحَرَّمٌ [Muḩarrem] Esâmî-i ricâldendir.

Vankulu Lugatı - محرم maddesi

اَلْمُحَرَّمُ [el-muḩarrem] (mîm’in zammı ve râ’nın fethi ve teşdîdiyle) Şol aydır ki şühûr-ı senenin ibtidâsıdır. Ve

مُحَرَّمٌ [muḩarrem] Şol deriye derler ki henüz dibâgat olunmamış ola. Ve şol kamçıya derler ki henüz mülâyim olmaya. Ve şol nâkaya derler ki henüz baş öğrenmemiş ola, Ebû Zeyd rivâyeti üzere.