اَلْأَخْلَقُ [el-aḣlaḵ] (أَحْمَرُ [aḩmer] vezninde) Mühre tahtası gibi düpdüz ve yalçın taşa denir; mü΄ennesinde خَلْقَاءُ [ḣalḵâ΄] denir; yukâlu: حَجَرٌ أَخْلَقُ أَيْ أَمْلَسُ مُصْمَتٌ وَصَخْرَةٌ خَلْقَاءُ أَيْ مَلْسَاءُ Ve
أَخْلَقُ [aḣlaḵ] Fakîr ve bî-nevâyâ ıtlâk olunur; yukâlu: رَجُلٌ أَخْلَقُ أَيْ فَقِيرٌ Ve
خَلْقَاءُ [ḣalḵâ΄] Şol deve tabanına ıtlâk olunur ki aslâ çatlağı olmayıp düpdüz tabak tarzında ola. Ve ferci bitişik olan ʹavrete ıtlâk olunur ki aslık taʹbîr olunur; yukâlu: إِمْرَأَةٌ خَلْقَاءُ أَيْ رَتْقَاءُ Ve devenin ve sâ΄ir hayvânın yanına ve yanının safhasına denir; tekûlu: ضَرَبْتُ عَلَى خَلْقَاءِ الْبَعِيرِ أَيْ عَلَى جَنْبِهِ ve tekûlu: ضَرَبْتُ عَلَى خَلْقَاءِ جَنْبِهِ أَيْ صَفْحَتِهِ Ve
خَلْقَاءُ الْغَارِ [ḣalḵâ΄u’l-ġâr] Mağaranın içine denir. Ve
خَلْقَاءُ الْجَبْهَةِ [ḣalḵâ΄u’l-cebhet] Alnın düz ve yassı yerine denir.
Sitemizde detaylı hızlı ve kolay arama ekranı