إِكْلِيلُ الْمَلِكِ [iklîlu’l-melik] Padişah tâcı demektir; iki gûne nebâta denir ki birinin yaprağı حُلْبَةٌ [ḩulbet] yaʹnî boy yaprağına ve râyihası incir râyihasına şebîh ve çiçeği sarı ve her dalının ucunda nısf-ı dâ΄ire yaʹnî hilâl-i felek şeklinde iklîli yaʹnî gılâfı olup ve içinde boy tohumuna şebîh hurde ve müdevver ve sarı tohumları olur. Ve birinin yaprağı nohut yaprağına şebîh ve zemîn üzere münbasıt çok dalları olup ve çiçeği sarı ve baʹzı beyâz ve her dalında hurde ve müdevver أَكَالِيلُ [ekâlîl] yaʹnî gılâfları olur. İkisi de muhallil ve munazzic ve mefâsıl ve ahşâda olan evrâm-ı sulbeyi müleyyindir. Müfredâtta bu iki nebât bir nebât olmak üzere mersûmdur. Birkaç nevʹini dahi tasvîr ederler. Ve bu Türkîde koçboynuzu dedikleri nebât olacaktır.
اَلْإِكْلِيلُ [el-iklîl] (hemzenin kesri vekâf’ın sükûnu ve lâm’ın kesri ve meddiyle) عِصَابَةٌ [ʹiṡâbet] misâlindedir ki onu cevâhirle tezyîn edip başa bağlarlar. Ve mutlak tâca إِكْلِيلٌ [iklîl] derler. Ve
إِكْلِيلٌ [iklîl] Menâzil-i kamerden bir menzilin ismidir ki o dört yıldızdır, sıravardı dizilmiştir. Ve
إِكْلِيلٌ [iklîl] Şol buluta dahi derler ki gûyâ onun üzerine perde çekilmiştir. Ve
إِكْلِيلُ الْمَلِكِ [iklîlu’l-melik] Bir devânın ismidir ki nebâtât kısmındandır.
Sitemizde detaylı hızlı ve kolay arama ekranı