اَلْإِفْرَاشُ [el-ifrâş] (hemzenin kesriyle) Döşek yaymak maʹnâsınadır. Bu münâsebetle bir adamı darb eyledikten sonra onu tenfîs eylemeyip derhâl katl eylemekte istiʹmâl olunur; yukâlu: ضَرَبَهُ فَمَا أَفْرَشَ عَنْهُ حَتَّى قَتَلَهُ أَيْ مَا أَقْلَعَ عَنْهُ Ve bir kimse hakkında bed ve nâ-sezâ sözler söyleyip fasl ve gıybet eylemek maʹnâsına müstaʹmeldir; yukâlu: أَفْرَشَ فُلاَنًا إِذَا أَسَاءَ الْقَوْلَ فِيهِ وَاغْتَابَهُ Ve bir adama hurde develer vermek maʹnâsınadır; yukâlu: أَفْرَشَ فُلاَنًا إِذَا أَعْطَاهُ فَرْشًا مِنَ الْإِبِلِ Ve kılıç namlusunu yufkaltıp keskin eylemek maʹnâsınadır; yukâlu: أَفْرَشَ السَّيْفَ إِذَا رَقَّقَهُ وَأَرْهَفَهُ Ve döşek döşemek maʹnâsınadır; yukâlu: أَفْرَشَ فُلاَنًا بِسَاطًا إِذَا بَسَطَهُ لَهُ Ve bir yerin firâşı çok olmak maʹnâsınadır; yukâlu: أَفْرَشَ الْمَكَانُ إِذَا كَثُرَ فِرَاشُهُ
اَلْإِفْرَاشُ [el-ifrâş] (hemzenin kesriyle) Menʹe derler; yukâlu: مَا أَفْرَشَ عَنْهُ أَيْ مَا أَقْلَعَ
Sitemizde detaylı hızlı ve kolay arama ekranı