اَلْإِمَاهَةُ [el-imâhet] ve
اَلْإِمْوَاهُ [el-imvâh] (hemzelerin kesriyle) Kuyu kazan kimse suya erişmek maʹnâsınadır; yukâlu: حَفَرَ الْبِئْرَ فَأَمَاهَ وَأَمْوَهَ أَيْ بَلَغَ الْمَاءَ Mü΄ellif bunu iki defʹa tekrâr eylemiştir. Ve
إِمَاهَةٌ [imâhet] Suvarmak maʹnâsınadır; yukâlu: أَمَاهُوا دَوَابَّهُمْ أَيْ سَقَوْهَا Mü΄ellif bunu dahi tekrâr eylemiştir. Ve havuza su biriktirmek maʹnâsınadır; yukâlu: أَمَاهُوا حَوْضَهُمْ إِذَا جَمَعُوا فِيهِ الْمَاءَ Ve kılıç ve bıçak namlusunu suvarmak maʹnâsınadır; yukâlu: أَمَاهَ السِّكِّينَ إِذَا سَقَاهُ كَمَا يُقَالُ أَمْهَى السِّكِّينَ Ve karıştırmak maʹnâsınadır; yukâlu: أَمَاهَ الشَّيْءَ إِذَا خَلَطَهُ Ve bulut çok yağmur dökmek maʹnâsınadır; yukâlu: أَمَاهَتِ السَّمَاءُ إِذَا أَسَالَتْ مَاءً كَثِيرًا Ve erkek dişinin rahimine ilkâ-i nutfe eylemek maʹnâsınadır; yukâlu: أَمَاهَ الْفَحْلُ إِذَا أَلْقَى مَاءَهُ فِي رَحِمِ الْأُنْثَى Ve yerde su tereşşüh eylemekle sızıntılı ve sulu olmak maʹnâsınadır; yukâlu: أَمَاهَتِ الْأَرْضُ إِذَا نَزَّتْ Ve mürekkeb galîz olmakla terkîk için hokkaya su komak maʹnâsınadır; yukâlu: أَمَاهَ الدَّوَاةَ إِذَا صَبَّ فِيهَا الْمَاءَ
Sitemizde detaylı hızlı ve kolay arama ekranı