Kamus-ı Muhit - الجود maddesi

اَلْجَوْدُ [el-cevd] (cîm’in fethiyle) Çok yağmura, ʹalâ-kavlin fevkinde yağmur olmayan yaʹnî ʹâdetâ ondan ziyâde yağmaz olan yağmurlara denir. Burada جَوْدٌ [cevd] جَائِدٌ [câ΄id]in cemʹidir, صَحْبٌ [ṡaḩb] ve صَاحِبٌ [ṡâḩib] gibi. Ve gâh olur ki جَوْدٌ [cevd] sehâba vasf olur; tekûlu: هَاجَتْ سَمَاءٌ جَوْدٌ Ve tesniye bünyesiyle de îrâd olunur; yukâlu: مَطَرَتَانِ جَوْدَانِ ve tekûlu: مُطِرْنَا مَطَرَتَيْنِ جَوْدَيْنِ Pes bunlarda cemʹiyyet قَطَرَاتٌ [ḵaṯarât] iʹtibârıyladır. Ve

جَوْدٌ [cevd] ve

جُؤُودٌ [cu΄ûd] (قُعُودٌ [ḵuʹûd] vezninde) Göz pek çok yaş dökmek maʹnâsınadır; yukâlu: جَادَتِ الْعَيْنُ جَوْدًا وَجُؤُودًا إِذَا أَكْثَرَ دَمْعَهَا Ve cân vermek üzere olmak maʹnâsınadır; yukâlu: جَادَ بِنَفْسِهِ إِذَا قَارَبَ أَنْ يَقْضِيَ Ve bir adama ʹaşk ve muhabbet gâlib olmak maʹnâsınadır; yukâlu: جَادَ الْهَوَى إِذَا شَاقَهُ وَغَلَبَهُ Ve bir adam bir âher adama cûd ve kerem bâbında gâlib olmak maʹnâsınadır; yukâlu: جَادَ فُلاَنٌ فُلاَنًا إِذَا غَلَبَهُ بِالْجُودِ

اَلْجُودُ [el-cûd] (cîm’in zammıyla) Civân-merdlik eylemek maʹnâsınadır; yukâlu: جَادَ الرَّجُل ُجُودًا إِذَا تَكَرَّمَ Ve

جُودٌ [cûd] Açlığa ıtlâk olunur, zikr olunan عَطْشَةٌ [ʹaṯşet] gibi; tefe΄΄ül kabîlindendir. Ve

جُودٌ [Cûd] Bir kalʹa adıdır.

Vankulu Lugatı - الجود maddesi

اَلْجَوْدُ [el-cevd] cîm’in fethi ve vâv’ın sükûnuyla) İyi yağmur yağmak; tekûlu: جَادَ الْمَطَرُ جَوْدًا Ve

جَوْدٌ [cevd] جَائِدٌ [câ΄id]in cemʹi dahi gelir, iyilik üzere yağan yağmurlar maʹnâsına, صَاحِبٌ [ṡâḩib]in cemʹi صَحْبٌ [ṡaḩb] geldiği gibi.

اَلْجُودُ [el-cûd] (cîm’in zammıyla) Cömertlik; yukâlu: جَادَ الرَّجُلُ بِمَالِهِ يَجُودُ جُودًا Ve

جُودٌ [cûd] جَوَادٌ [cevâd]ın cemʹi dahi gelir, cömertler maʹnâsına, mislu: قَزَال [ḵazâl] ve قُزُل [ḵuzul]. Ve قَزَالٌ [ḵazâl] başın ardı, قَفَا [ḵafâ maʹnâsına. جُودٌ [cûd]da olan vâv’ın zammesi tahfîf olundu, harf-i ʹillet olduğuna binâ΄en. Ve جَوَادٌ [cevâd]ın cemʹ-i mü΄ennesi dahi gelir; yukâlu: نِسْوَةٌ جُودٌ مِثْلُ نَوَارٍ وَنُورٍ Ve نَوَارٌ [nevâr] nûn’un fethiyle ve râ-i mühmele ile töhmetten ırak olan ʹavret.