اَلصَّوْمَعَةُ [eṡ-ṡavmeʹat] (جَوْهَرَةٌ [cevheret] vezninde) ve
اَلصَّوْمَعُ [eṡ-ṡavmaʹ] (جَوْهَرٌ [cevher] vezninde) Rehâbine-i Naṡârâ’ya mahsûs ʹibâdet-gâh olan vahdet-hâneye denir. Tepeleri kümmî ve incerek olduğu bâʹis-i tesmiyedir, gerçi kubbe olup lâkin ince ve kümmî olur, evâ΄ilde mahsûs öylece binâ ederler imiş, baʹdehu mutlakan ʹibâdet-gâhları olan hücrelerine ıtlâk olundu. Ve
صَوْمَعَةٌ [ṡavmeʹat] Tavşancıl kuşuna denir, pek yüksek tayerân eylediği için; terakkî maʹnâsından me΄hûzdur. Ve بُرْنُسٌ [burnus] dedikleri baş kisvetine denir ki Mevlevî sikkesi tarzında sivrice olup selefte ʹulemâya mahsûs idi; yukâlu: جَاءَ وَفِي رَأْسِهِ صَوْمَعَةٌ أَيْ بُرْنُسٌ Ve kapta müdevver konmuş tiridin tepesine denir ki kubbe tarzında korlar; yukâlu: لاَ تُهَوِّرْ صَوْمَعَةَ الثَّرِيدَةِ أَيْ ذِرْوَتَهَا Ve
صَوْمَعَةٌ [ṡavmeʹat] Masdar olur, tiridin tepesini kümmî incerek yapmak maʹnâsına; yukâlu: صَوْمَعَ الثَّرِيدَ إِذَا دَقَّقَ رَأْسَهُ Ve biriktirmek maʹnâsınadır; yukâlu: صَوْمَعَ الشَّيْءَ إِذَا جَمَعَهُ
Sitemizde detaylı hızlı ve kolay arama ekranı