Kamus-ı Muhit - الفسكل maddesi

اَلْفُسْكُلُ [el-fuskul] (قُنْفُذٌ [ḵunfuž] vezninde) ve

اَلْفِسْكِلُ [el-fiskil] (زِبْرِجٌ [zibric] vezninde) ve

اَلْفُسْكُولُ [el-fuskûl] (زُنْبُورٌ [zunbûr] vezninde) ve

اَلْفِسْكَوْلُ [el-fiskevl] (بِرْذَوْنٌ [birževn] vezninde) Ödüle koşulan atlardan en sonra gelen ata denir ki onuncu olur. Ve

فِسْكِلٌ [fiskil] Rezîl ve fürû-mâye kimseye denir; yukâlu: رَجُلٌ فِسْكِلٌ أَيْ رَذْلٌ Ve

فُسْكُولٌ [fuskûl] (زُنْبُورٌ [zunbûr] vezninde ve بِرْذَوْنٌ [birževn] vezninde) Uyuntu kimseye denir ki bir tâ΄ifeye hod-be-hod uyup enselerinden gider; yukâlu: رَجُلٌ فُسْكُولٌ وَفِسْكَوْلٌ أَيْ مُتَأَخِّرٌ تَابِعٌ

Vankulu Lugatı - الفسكل maddesi

اَلْفِسْكِلُ [el-fiskil] (fâ’nın vekâf’ın kesri ve sîn’in sükûnuyla) Şol attır ki ödüle konan atların en sonunda gele ki onların evveli اَلْمُجَلِّى [el-mucellî] mîm’in zammı ve lâm’ın kesri ve teşdîdiyle, ondan sonra اَلْمُصَلِّي [el-muṡallî]dir vezn-i mezbûr üzere, ondan sonra اَلْمُسَلِّي [el-musellî]dir vezn-i mezbûr üzere,kezâlik ondan sonra اَلتَّالِي [et-tâlî]dir lâm’ın kesriyle, ondan sonra اَلْعَاطِفُ [el-ʹâṯif]tir ṯâ’nın kesriyle, ondan sonra اَلْمُرْتَاحُ [el-murtâḩ]tır mîm’in zammıyla, ondan sonra اَلْمُؤَمَّلُ [el-mu΄emmel]dir mîm-i evvelin zammı ve sânînin fethi ve teşdîdiyle, ondan sonra اَلْحَظِيُّ [el-ḩażiyy]dır ḩâ’nın fethi ve yâ’nın teşdîdiyle, ondan sonra اَللَّطِيمُ [el-leṯîm]dir lâm’ın fethi ve ṯâ’nın kesri ve meddiyle, ondan sonra اَلسُكَّيْتُ [es-sukkeyt]tir sîn’in zammı ve kâf’ın fethi ve yâ’nın sükûnuyla ki ona اَلْفِسْكِلُ [el-fiskil] ve اَلْقَاشُورُ [el-ḵâşûr] dahi derler.