اَلْمِمْرَحُ [el-mimraḩ] (مِنْبَرٌ [minber] vezninde) ve
اَلْمِمْرَاحُ [el-mimrâḩ] (مِفْتَاحٌ [miftâḩ] vezninde) ve
اَلْمَرُوحُ [el-merûḩ] (صَبُورٌ [ṡabûr] vezninde) Şen ve şevk-âver ve neşât-mend ata denir; yukâlu: فَرَسٌ مِمْرَحٌ وَمِمْرَاحٌ وَمَرُوحٌ أَيْ نَشِيطٌ Ve
مِمْرَاحٌ [mimrâḩ] Tayyibü’t-türâb olan arza denir ki nebâtı tîz inbât eder ola. Ve şol göze denir ki sakat olmakla yaşı çok seyelân eder ola. Ve
مَرُوحٌ [merûḩ] (صَبُورٌ [ṡabûr] vezninde) Şol yaya denir ki pek latîf ve nâzük olmakla temâşâ edenleri ferah-nâk eder ola yâhûd oku hüsn ve sühûletle irsâl eylemekle gûyâ ki kendisi neşâtlanır ola. Evvele göre bi-maʹnâ fâʹil, sânîye göre bi-maʹnâ mefʹûldür; yukâlu: قَوْسٌ مَرُوحٌ أَيْ تَمْرَحُ رَآؤُوهَا لِحُسْنِهَا أَوْ كَأَنَّ بِهَا مَرَحًا لِحُسْنِ إِرْسَالِهَا السَّهْمَ
اَلْمِمْرَاحُ [el-mimrâḩ] (mîm’in kesriyle مِفْتَاحٌ [miftâḩ] vezni üzere) Şol attır ki şen ola; yukâlu: فَرَسٌ مِمْرَاحٌ أَيْ نَشِيطٌ Ve
مِمْرَاحٌ [mimrâḩ] Şol göze derler ki yaşı çok ola; yukâlu: عَيْنٌ مِمْرَاحٌ أَيْ غَزِيرُ الدَّمْعِ Ve غَزِيرٌ [ġazîr] ġayn-ı muʹceme ve zâ-i muʹcemeden sonra râ-i mühmele ile kesîr maʹnâsınadır.
Sitemizde detaylı hızlı ve kolay arama ekranı