اَلْوَجُّ [el-vecc] (vâv’ın fethi ve cîm’in teşdîdiyle) Sürʹat eylemek maʹnâsınadır; yukâlu: وَجَّ الرَّجُلُ وَجًّا مِنَ الْبَابِ اْلأَوَّلِ إِذَا أَسْرَعَ Ve
وَجٌّ [vecc] Bir devâ adıdır, Türkîde eğir dedikleri kök olacaktır. Ve bağırtlak kuşuna denir. Ve devekuşuna denir. Ve Ṯâ΄if türâbında bir vâdî ismidir ki Muḩteriḵ ve Uḩayḩideyn nâm iki dağ aralığında vâkiʹdir; ve minhu’l-hadîsu: “آخِرُ وَطْأَةٍ وَطِئَهَا اللهُ تَعَالَى بِوَجٍّ” يَعْنِي آخِرُ غَزْوَةٍ وَأَخْذَةٍ أَوْقَعَهَا اللهُ تَعَالَى بِالْكُفَّارِ كَانَتْ بِوَجٍّ يُرِيدُ غَزْوَةَ حُنَيْنٍ لاَ الطَّائِفِ Cevherî ibtidâ وَجٌّ [Vecc] Ṯâ΄if’te bir belde adıdır, demekle galat eyledi, sâniyâ murâd Ṯâ΄if gazvesidir demekle galat eyledi. Ve Ḩuneyn, Vecc hizâsında bir vâdîdir ve gazve-i Ṯâ΄if’te kıtâl vâkiʹ olmamıştır. Mütercim der ki kütüb-i siyerde gazve-i Ṯâ΄if âhir-i gazve-i nebevî olup gerçi gazve-i Tebûk hitâm-ı megâzîdir, lâkin onda harb ve kıtâl olmamak üzere mersûmdur. Ve
وَجٌّ [Vecc] Şehr-i Ṯâ΄if’in zemîni ismi olup ʹAmâliḵa’dan Vecc b. ʹAbdulḩayy nâm emîr oraya nâzil olmakla ismiyle müsemmâ olduğu musarrahtır.
اَلْوَجُّ [el-vecc] Eğir dedikleri kök ki edviye kısmındandır; Fârisîden muʹarrebdir.
Sitemizde detaylı hızlı ve kolay arama ekranı