Kamus-ı Muhit - الولد maddesi

اَلْوَلَدُ [el-veled] (vâv’ın ve lâm’ın fethiyle) ve

اَلْوُلْدُ [el-vuld] (vâv’ın zammıyla) ve

اَلْوِلْدُ [el-vild] (vâv’ın kesriyle) ve

اَلْوَلْدُ [el-veld] (vâv’ın fethiyle) Cümlesi bir maʹnâyadır, yaʹnî insânın ve sâ΄ir hayvânın bi-nefsihi ve bi-hakîkatihi zâdesine denir ki döl ve yavru taʹbîr olunur; tebennî ve ittihâz cihetiyle olana ıtlâk olunmaz. Müfred ve cemʹi berâberdir ve gâh olur ki cemʹinde أَوْلاَدٌ [evlâd] ve وِلْدَةٌ [vildet] denir, vâv’ın kesriyle ve إِلْدَةٌ [ildet] denir, vâv’ı hemzeye ibdâlle ve وُلْدٌ [vuld] denir, vâv’ın zammıyla. Ve bunlar fethateynle وَلَدٌ [veled]in cemʹidir. Ve mine’l-emsâli: “وَلَدُكِ مَنْ دَمَّى عَقِبَيْكِ” Ve bu mü΄ennese hitâbdır, yaʹnî “Senin veledin ancak o kimsedir ki senin iki ökçelerini kanla âlûde eylemiştir.” Murâd senin loğusa olduğun şahstır, tebennî eylediğin veled sana veled-i hakîkî olmaz.

Vankulu Lugatı - الولد maddesi

اَلْوَلَدُ [el-veled] (fethateynle) Hâsıl olan döl; müfred maʹnâsında ve cemʹ maʹnâsında istiʹmâl olunur.

اَلْوُلْدُ [el-vuld] (vâv’ın zammı ve lâm’ın sükûnuyla) وَلَدٌ [veled] maʹnâsınadır, Benî Esed’in mesellerindendir bu ki “وُلْدُكَ مِنْ دَمِ عَيْنَيْكَ” derler yaʹnî “Oğul göz kanından hâsıl olur.” Ve gâh olur ki وُلْدٌ [vuld]ü وَلَدٌ [veled]in cemʹi kılarlar, أَسَدٌ [esed] ile أُسْدٌ [usd] gibi.

اَلْوِلْدُ [el-vild] (vâv’ın kesriyle) وُلْدٌ [vuld]de lügattır, vâv’ın zammıyla. Ve ʹArabların مَا أَدْرِي أَيُّ وِلْدِ الرَّجُلِ هُوَ dedikleri ne makûle kimsedir demek mahallinde olur.