اَلسَّابِرِيُّ [es-sâbiriyy] Bir nevʹ bez ismidir ki be-gâyet ince ve aʹlâ olur, hümâyûn bezi gibi. Ve minhu’l-meselu: “عَرْضٌ سَابِرِيٌّ” Mesel-i mezbûru şol adam îrâd eder ki ona vech-i muhakkak üzere olmayarak bir nesne ednâ ʹarz ve teklîfle ʹarz oluna, der-sâʹat o adam onu ihrâza dil ü cânla hâhiş-ger olur, zîrâ esvâb-ı mezbûr be-gâyet enfes ve aʹlâ olmakla cüz΄îce ʹarzla herkes ona meyl ve ragbet eder. Şârihin beyânına göre سَابُورُ [Sâbûr]-ı âtîye mensûbdur. Ve
سَابِرِيٌّ [sâbiriyy] Bir nevʹ hoş ve nâzük hurmâ ismidir. Ve bir güne zırha denir ki nesci be-gâyet ince ve muhkem ve metîn olur.
اَلسَّابِرِيُّ [es-sâbiriyy] (bâ’nın kesri ve yâ’nın teşdîdiyle) Bir nevʹ bezdir ki gâyet incedir. Ve fi’l-meseli: “عَرْضٌ سَابِرِيٌّ” Bunu bir kimse söyler ki ona bir nesne ʹarz oluna ve onda mübâlaga olunmaya, zîrâ سَابِرِيٌّ bezlerin aʹlâsıdır ki ednâ ʹarzla ona ragbet olunur. Ve
سَابِرِيٌّ [sâbiriyy] Kezâlik hurmânın aʹlâsına derler; yukâlu: أَجْوَدُ تَمْرِ الْكُوفَةِ النِّرْسِيَانُ وَالسَّابِرِيُّ ve نِرْسِيَانٌ [nirsiyân] nûn’un kesri ve râ-i mühmelenin sükûnuyla ve sîn’in kezâlik kesriyle bir nevʹ hurmâdır.
Sitemizde detaylı hızlı ve kolay arama ekranı