سُبُّخْتُ [Subbuḣt] (sîn’in ve bâ-yı müşeddedenin zammıyla) Ebû ʹUbeyde’nin lakabıdır. Mütercim der ki Ebû ʹUbeyde ki Maʹmer b. el-Mušamp;ennâ el-Baṡrî en-Naḩvî’dir ʹulûm-ı ʹArabiyye ve fünûn-ı edebiyyenin nâfiz ve basîri ve vâkıf ve habîri idi, yüzden mütecâviz te΄lîfâtı husûsan Kitâbu’l-mecâz nâm eser-i fezâ΄il-âyâtı vardır. Ve سُبُّخْتُ [subbuḣt] supûht-i Fârisî muʹarrebidir ki supûhtenden mâzîdir. Supûhten, dürtmek ve sançmak maʹnâsınadır. Merhûm be-gâyet dil-âzâr olmakla lisânından sagîr ve kebîr halâs bulmayıp herkesin hakkında taʹn ve tanzı mukarrer idi. ʹÂmme-i nâs, lisânından havf ederler idi. Bir adama harf-endâz oldukta huzzâr birbirine Ebû ʹUbeyde nîz supûht, yaʹnî yine soktu ve dürttü demektir, hattâ Aṡmaʹî dahi merkûmun lisânından ihtirâz eder idi. Ve سُبُّخْتُ [subbuḣt] zemûht-ı Fârisî muʹarrebi olmak dahi mümkindir ki ʹukde maʹnâsınadır. Merkûmun vezn-i tabʹ-ı eşʹârda vâyesi kem-pâye olmakla bir beyti inşâda kâdir olamayıp ve tilâvet-i Ḵur’ân’da lahn ve inʹikâdı var idi. İmdi işbu Ebû ʹUbeyde vech-i mezkûr üzere hâ’yladır ve yine fenn-i lügat ve edebiyyede yektâ Ḵâsım b. Sellâm ki lügatte Ġarîbu’l-muṡannef mü΄ellifidir hâ’sız Ebû ʹUbeyd’dir, rahimehumâllâhu taʹâlâ.
Sitemizde detaylı hızlı ve kolay arama ekranı