اَلْأُتْرُجُّ [el-utrucc] ve
اَلْأُتْرُجَّةُ [el-utruccet] (hemzenin ve râ’nın zammı ve cîm’in teşdîdiyle) ve
اَلتُّرُنْجَةُ [et-turuncet] ve
اَلتُّرُنْجُ [et-turunc] (tâ’nın ve râ’nın zammı ve nûn’un sükûnuyla) Maʹlûmdur ki Türkîde ağaç kavunu taʹbîr olunan meyveye denir; taʹmı hâmiz ve şehvet-i nisvânı müsekkin ve levni câlî ve balgamdan hâdis olan kelefi müzîl ve kışrını siyâb içre vazʹ, güve dalamasını mâniʹdir. Türkîde turunc ve portakal dediğimize Fârisîde nâreng ve ʹArabîde nârenc derler.
اَلتُّرُنْجُ [et-turunc] (tâ’nın zammıyla cîm’in tahfîfiyle) Dahi hikâyet olunmuştur. Ve kelâm-ı ʹArabda bunun nazîri عُرُنْدٌ [ʹurund] lafzıdır ki Sîbeveyhi rivâyet kılmıştır. Ve عُرُنْدٌ [ʹurund] galîz maʹnâsınadır; yukâlu: وَتَرٌ عُرُنْدٌ Kalın kiriş maʹnâsınadır. Ve
تَرْجٌ [Terc] (tâ’nın fethi ve râ’nın sükûnuyla) Bir mevziʹin ismidir. Ve fi’l-meseli: “هُوَ أَجْرَأُ مِنَ الْمَاشِي بِتَرْجٍ” لِأَنَّهَا مَأْسَدَةٌ Yaʹnî Terc arslan yatağı olmağın Terc’de olan hayvânâttan bahâdırdır derler, bir nesnenin bahâdırlığın vasf etseler.
Sitemizde detaylı hızlı ve kolay arama ekranı