اَلتَّزْوِيرُ [et-tezvîr] (تَفْعِيلٌ [tefʹîl] vezninde) Yalan söze vesme ve ârâyişle tervîc için hüsn ve zînet vermek maʹnâsınadır; yukâlu: زَوَّرَ فُلاَنٌ إِذَا زَيَّنَ الْكَذِبَ Ve bir nesneye kıvâm ve iʹtidâl ve istikâmet vermekle tahsîn ve tehzîb eylemek maʹnâsına müstaʹmeldir. Bunda tefʹîl selb içindir ki iʹvicâcını izâle eylemekle olur; yukâlu: زَوَّرَ الشَّيْءَ إِذَا حَسَّنَهُ وَقَوَّمَهُ Ve kendisini ziyâret eden adama nüvâziş ve ikrâm eylemek maʹnâsınadır; yukâlu: زَوَّرَ الزَّائِرَ إِذَا أَكْرَمَهُ Ve şâhidin şehâdetini ibtâl eylemek maʹnâsınadır; yukâlu: زَوَّرَ الشَّهَادَةَ إِذَا أَبْطَلَهَا Ve bir adamın nefsini kizb ve dürûgla muʹlem kılmak yaʹnî kizb nisbet eylemek ki “filân muzevverdir” demekten ʹibârettir; yukâlu: زَوَّرَ نَفْسَهُ إِذَا وَسَمَهَا بِالزُّورِ ve tekûlu: أَنَا أُزَوِّرُكَ عَلَى نَفْسِكَ أَيْ أَتَّهِمُكَ عَلَيْهَا
اَلتَّزْوِيرُ [et-tezvîr] (ʹalâ-vezni اَلتَّكْرِيم [et-tekrîm]) Bir nesneyi tezyîn etmek. Ve kelâm-ı bâtıla تَزْوِيرٌ [tezvîr] dedikleri kizbi tezyîn olduğu içindir; yukâlu: زَوَّرْتُ الشَّيْءَ أَيْ حَسَّنْتُهُ وَقَوَّمْتُهُ Ve minhu kavlu’l-Ḩaccâc: “إِمْرُؤٌ زَوَّرَ نَفْسَهُ” أَيْ قَوَّمَهَا ve
تَزْوِيرٌ [tezvîr] Ziyâret edene ihsân etmeğe de derler; yukâlu: زَوَّرْتُ الزَّائِرَ أَيْ أَكْرَمْتُهُ
Sitemizde detaylı hızlı ve kolay arama ekranı