Kamus-ı Muhit - التزوج maddesi

اَلتَّزَوُّجُ [et-tezevvuc] (تَفَعُّلٌ [tefaʹʹul] vezninde) Çiftlenmek ve eş olmak maʹnâsına olmakla bir hatunu nikâhla almak maʹnâsında müstaʹmeldir; tekûlu: تَزَوَّجْتُ إِمْرَأَةً وَبِامْرَأَةٍ gerek تَزْوِيجٌ [tezvîc] ve gerek تَزَوُّجٌ [tezevvuc] sîgaları vech-i mezkûr bi-nefsihi ve mefʹûl-i sânîye bâ΄ ile müteʹaddî olurlar. ʹAlâ-kavlin bâ΄ ile taʹdiyeleri lügat-ı kalîledir, vech-i mersûm üzere Ezdu Şenû΄e lügatidir. Mü΄ellifin وَبِهَا kavli زَوَّجْتُ ve تَزَوَّجْتُ misâllerinin ikisine de nâzırdır. Ve zamîr-i mü΄ennes إِمْرَأَةٌ [imre΄et]e râciʹ olmakla وَبِامْرَأَةٍ أَيْ بِالْبَاءِ demektir. Ve

تَزَوُّجٌ [tezevvuc] Bir nesneye girişip karışmak maʹnâsına istiʹmâl olunur; yukâlu: تَزَوَّجَهُ النَّوْمُ أَيْ خَالَطَهُ

Vankulu Lugatı - التزوج maddesi

اَلتَّزَوُّجُ [et-tezevvuc] (fethateynle ve vâv’ın zammı ve teşdîdiyle) Çiftlenmek. Yûnus eyitti: زَوَّجْتُهُ امْرَأَةً وَتَزَوَّجْتُ امْرَأَةً derler ve تَزَوَّجْتُ بِامْرَأَةٍ kelâm-ı ʹArabdan değildir. Ve Bârî taʹâlânın ﴿وَزَوَّجْنَاهُمْ بِحُورٍ عِينٍ﴾ (الدخان 54، الطور 20) dediği mü΄evveldir, قَرَّنَّاهُمْ بِهِنَّ maʹnâsınadır; Ḣudây taʹâlânın ﴿أُحْشُرُوا الَّذِينَ ظَلَمُوا وَأَزْوَاَجَهُمْ﴾ (الصافات 22) dediği kavline nazaran ki أَزْوَاجٌ bunda قُرَنَاءُ maʹnâsınadır dedi. Ve Ferrâ eyitti: تَزَوَّجْتُ بِامْرَأَةٍ Ezd-i Şenû΄e lügatidir. Ve Ezd-i Şenû΄e, Yemen’den bir kabîlenin ismidir, nitekim mürûr etti.