Kamus-ı Muhit - الربداء maddesi

اَلرَّبْدَاءُ [er-rebdâ΄] (حَمْرَاءُ [ḩamrâ΄] vezninde) ve

اَلْأَرْبَدُ [el-erbed] (أَحْمَرُ [aḩmer] vezninde) رُبْدَةٌ [rubdet]ten vasflardır, karamtık boz renkli nesneye denir. Mü΄ellif işâretle geçmiştir; yukâlu: شَاةٌ رَبْدَاءُ وَمَعْزٌ أَرْبَدُ إِذَا كَانَ فِي لَوْنِهِ رُبْدَةٌ Ve

رَبْدَاءُ [rebdâ΄] Dâhiye-i münkereye ıtlâk olunur; yukâlu: دَاهِيَةٌ رَبْدَاءُ أَيْ مُنْكَرَةٌ Ve şol dişi keçiye denir ki levni siyâh olup kırmızı kırmızı benekleri ola; yukâlu: عَنْزٌ رَبْدَاءُ أَيْ سَوْدَاءُ مُنَقَّطَةُ بِحُمْرَةٍ Pes müzekkerinde أَرْبَدُ [erbed] denir. Bu renkte keçi makbûl değildir, dâhiye maʹnâsı bundan me΄hûzdur. Ve

أَرْبَدُ [erbed] Bir nevʹ yılana denir ki be-gâyet mûzî ve habîs olur, boz yılan dedikleri olacaktır. Ve

أَرْبَدُ [erbed] Arslana ıtlâk olunur. Ve Erbed b. Ḋâbi΄ ve Erbed b. Şureyḩ ve Erbed b. Rebîʹa şâʹirlerdir. Ve Erbede yâhûd Erbed et-Temîmî tâbiʹîndendir.

Vankulu Lugatı - الربداء maddesi

اَلرَّبْدَاءُ [er-rebdâ΄] (râ’nın fethi ve bâ’nın sükûnu ve elifin meddiyle) أَرْبَدُ [erbed]in mü΄ennesi ki أَرْبَدُ [erbed] boz renkli olandır, nitekim el-ân mürûr etti. Ve

رَبْدَاءُ [rebdâ΄] Münker maʹnâsına da gelir; yukâlu: دَاهِيَةٌ رَبْدَاءُ أَيْ مُنْكَرَةٌ Ve

رَبْدَاءُ [rebdâ΄] Şol keçiye derler ki siyâh olup kırmızı noktaları ola. Ve bu keçi cinsinde makbûl olmayan renktir, egerçi sâ΄ir hayvânatta öyle değildir.