اَلرَّقِيمُ [er-Reḵîm] (أَمِيرٌ [emîr] vezninde) Bir mevziʹ adıdır. Ve Ḣirâm b. Vâbiṡa’nın feresi ismidir. Ve ashâb-ı kehfin karyesi ismidir yâhûd mağaraları olan dağın yâhûd kelblerinin ismidir yâhûd mağaraları olan derenin yâhûd sahranın ismidir yâhûd resâstan düzülmüş bir levhin ismidir ki onda ashâb-ı kehfin nesebleri ve esmâları ve dînleri ve kendiden havfla firâr ettikleri melikin ismi ve kıssaları nakş olunmuştur. Ve
رَقِيمٌ [reḵîm] Yazı yazacak devâta yaʹnî divite ve levhaya denir. Mütercim der ki baʹzılar ashâb-ı rekîmi başka kimseler ile tefsîr eylediler kıssası tefsîr-i Beyḋâvî’de mebsûttur.
اَلرَّقِيمُ [er-reḵîm] (râ’nın fethi ve ḵâf’ın kesri ve meddiyle) Yazılmış nesne, kitâb maʹnâsına. Ve kavluhu taʹâlâ: ﴿أَصْحَابَ الْكَهْفِ وَالرَّقِيمِ﴾ (الكهف، 9) يُقَالُ هُوَ لَوْحٌ فِيهِ أَسْمَاؤُهُمْ وَقِصَصُهُمْ Yaʹnî رَقِيمٌ [reḵîm] şol levhtir ki Ashâb-ı Kehf’in onda ismleri ve hikâyeleri vardır. Ve ʹİkrime, İbn ʹAbbâs’tan rivâyet edip eyitti: Mezbûr eyitmiştir ki ben bilmezem ki رَقِيمٌ [reḵîm] nedir, kitâb mıdır yâhûd binâ mıdır demiştir.
Sitemizde detaylı hızlı ve kolay arama ekranı