Kamus-ı Muhit - الرمل maddesi

اَلرَّمَلُ [er-remel] (fethateynle) ve

اَلرَّمَلَانُ [er-remelân] (fetehâtla) ve

اَلْمَرْمَلُ [el-mermel] (مَقْعَدٌ [maḵʹad] vezninde) Ling ile yürümek maʹnâsınadır; yukâlu. رَمَلَ فُلَانٌ رَمَلًا وَرَمَلَانًا وَمَرْمَلًا مِنَ الْبَابِ الْأَوَّلِ إِذَا هَرْوَلَ ve minhu: رَمَلَانُ طَائِفِ الْبَيْتِ الشَّرِيفِ Ve

رَمَلٌ [remel] ʹArûziyyûn ıstılâhında kasîde ile recezden mâ-ʹadâya ıtlâk olunur. Şârih der ki mü΄ellifin tefsîri vazʹ-ı ʹAraba mebnîdir ki kasîde ile recezin gayrı şiʹre رَمَلٌ [remel] ıtlâk ederler. Ve ehl-i ʹarûz bahr-i mahsûsa رَمَلٌ [remel] ıtlâk ederler ki vezni altı kerre fâʹilâtün cüz΄lerinden mürekkebdir, nesc-i hasîr gibi muntazamü’l-evtâd olduğu için tesmiye eylediler. İntehâ. Ve

رَمَلٌ [remel] Azca yağmura denir. Ve bir nesnede olan ziyâdeye denir. Ve bakar-ı vahşînin ayaklarında olan hutûta denir ki kendi levnine muhâlif olur.

اَلرَّمْلُ [er-reml] (نَمْلٌ [neml] vezninde) Maʹlûmdur ki kuma denir, Fârisîde rîk denir; müfredi رَمْلَةٌ [remlet]tir, cemʹi رِمَالٌ [rimâl] ve أَرْمُلٌ [ermul]dür, أَفْلُسٌ [eflus] vezninde. Ve رَمْلَةٌ [remlet] ile baʹzı nisvân tesmiye olundular, berrâklığına binâ΄en; ez-cümle Remle bint Ebî Sufyân ki Ummu Ḩabîbe’dir, ezvâc-ı mutahharâttandır, radıyallâhu ʹanhunne. Ve

رَمْلٌ [reml] Masdar olur, taʹâma kum katmak maʹnâsınadır. Ve taʹâmdan murâd hıntadır; yukâlu: رَمَلَ الطَّعَامَ رَمْلًا مِنَ الْبَابِ الْأَوَّلِ إِذَا جَعَلَ فِيهِ الرَّمْلَ Ve bir nesneyi kan ile âlûde eylemek maʹnâsınadır; yukâlu: رَمَلَ الثَّوْبَ إِذَا لَطَخَهُ بِالدَّمِ Ve bez ve hasır makûlesini yufkaca dokumak maʹnâsınadır; yukâlu: رَمَلَ النَّسْجَ إِذَا رَقَّقَهُ Ve serîr ve hasır makûlesini cevher ve sâ΄ir zînet makûlesiyle bezemek maʹnâsınadır; yukâlu: رَمَلَ السَّرِيرَ أَوِ الْحَصِيرَ إِذَا زَيَّنَهُ بِالْجَوْهَرِ وَنَحْوِهِ Ve serîrin üstüne şerit örüp geçirmek maʹnâsınadır ki murâd hasır iskemle gibi oturacak yerini yumuşak şeritlerden örüp yapmaktır; yukâlu: رَمَلَ السَّرِيرَ إِذَا رَمَلَ أَيْ نَسَجَ شَرِيطًا فَجَعَلَهُ ظَهْرًا لَهُ

Vankulu Lugatı - الرمل maddesi

اَلرَّمَلُ [er-remel] (fethateynle) Yelmek.

اَلرَّمْلُ [er-reml] (râ’nın fethi ve mîm’in sükûnuyla) Kum, rîk maʹnâsına.