اَلرَّهْبَةُ [er-rehbet] ve
اَلرَّهْبَانِيَّةُ [er-rehbâniyyet] (râ’ların fethiyle) Ondan masdarlardır, râhib olmak ve râhiblik maʹnâsına, lâkin Nihâye’den münfehim olan masdarı رَهْبَنَةٌ [rehbenet] olmaktır ki رَهْبَةٌ [rehbet]ten me΄hûzdur; vezni faʹlenet yâhûd faʹlelettir, nûn’un asliyyetve ziyâdesi takdîri üzere. Ve
رَهْبَانِيَّةٌ [rehbâniyyet] Tagyîr-i neseble رَهْبَنَةٌ [rehbenet]e mensûb olmaktır ki lisânımızda hâsıl bi’l-masdar olarak râhiblik ile taʹbîr olunur; ve minhu’l-hadîs: “لاَ رَهْبَانِيَّةَ فِي اْلإِسْلاَمِ” İşbu hadîste menhî olan رَهْبَانِيَّةٌ [rehbâniyyet]ten murâd selef ruhbânlarının ahlâklarıyla mütehallık olmaktır, اِخْتِصَاءٌ [iḣtiṡâ΄] gibi ki kendi mâdde-i rücûliyyetini izâle eylemek ve riyâzet için ve nefsine ezâ için gerdanına zincir geçirmek ve post giymek ve aslâ et kısmını ekl eylememek ve savm-ı visâl eylemek gibi. İmdi millet-i İslâmiyye, millet-i semhâ΄ olup teşdîd ve taglîzden pâkîze olmakla bu gûne hâlât-ı şedîdeden nehy-i şerʹî sâdır olmuştur. Ve
رَاهِبٌ [Râhib] Bir recül ismidir.
اَلرَّهْبَانِيَّةُ [er-rehbâniyyet] (bi-fethi’r-râ΄i ve sükûni’l-hâ΄i fîhimâ) Masdarlardır, râhiblik maʹnâsına.
Sitemizde detaylı hızlı ve kolay arama ekranı