Kamus-ı Muhit - الرهط maddesi

اَلرَّهْطُ [er-rehṯ] (râ’nın fethi ve hâ’nın sükûnuyla ve harf-i halk için fethateynle) Bir adamın kavm ve kabîlesine denir; yukâlu: هُمْ رَهْطُهُ أَيْ قَوْمُهُ وَقَبِيلَتُهُ Ve

رَهْطٌ [rehṯ] Üç neferden ona kadar yâhûd yediden ona kadar, ʹalâ-kavlin on neferden mâ-dûn olan eşhâsa denir ki cümlesi ricâl olup içlerinde ʹavret olmaya. Ve رَهْطٌ [rehṯ] kelimesi cemʹdir, lafzından müfredi yoktur, yaʹnî قَوْمٌ [ḵavm] ve مَعْشَرٌ [maʹşer] gibi ism-i cemʹdir. Cemʹi أَرْهُطٌ [erhuṯ] ve أَرَاهِطُ [erâhiṯ] ve أَرْهَاطٌ [erhâṯ] ve أَرَاهِيطُ [erâhîṯ] gelir. أَرَاهِطُ [erâhiṯ] ve أَرَاهِيطُ [erâhîṯ] gûyâ ki أَرْهُطُ [erhuṯ] lafzından cemʹdir, رَهْطٌ [rahṯ]ta cemʹiyyet iʹtibârıyla. Ve

رَهْطٌ [rehṯ] ʹAdûya ıtlâk olunur, هُوَ رَهْطُهُ أَيْ عَدُوُّهُ Ve bir mevziʹ adıdır. Ve

رَهْطٌ [rehṯ] Aʹrâba mahsûs deriden kolsuz cübbe tarzında bir giysi ismidir ki göbekten aşağı tarafının iki câniblerini yürümek mümkin olmak için yarıp çocuklarına giydirirler ve hâ΄iz hatunları da giyerler. ʹAlâ-kavlin şol hâm göne denir ki ondan kayışlar ve sırımlar kesilir, cemʹi رِهَاطٌ [rihâṯ]tır râ’nın kesriyle; ʹalâ-kavlin رِهَاطٌ [rihâṯ] dahi müfreddir, cemʹi أَرْهِطَةٌ [erhiṯat]tır, libâs ve elbise gibi. Ve

رَهْطٌ [rehṯ] Lokmayı büyük almak maʹnâsınadır; yukâlu: رَهَطَ اللُّقْمَةَ رَهْطًا مِنَ الْبَابِ الثَّالِثِ إِذَا أَخَذَهَا عَظِيمَةً Ve pek pek yemek maʹnâsınadır; yukâlu: هُوَ يَرْهَطُ أَيْ يَأْكُلُ شَدِيدًا Ve رَهْطٌ [rehṯ] ile ictimâʹdan kinâye olunur; tekûlu: نَحْنُ ذُو رَهْطٍ أَيْ مُجْتَمِعُونَ

Vankulu Lugatı - الرهط maddesi

اَلرَّهْطُ [er-rehṯ] (râ’nın fethi ve hâ’nın sükûnuyla) Kavm, kabîle maʹnâsına; yukâlu: هُمْ رَهْطَةٌ دِنْيَةٌ Ve دِنْيَةٌ [dinyet] dâl’ın kesri ve nûn’un sükûnuyla kurb-ı ittisâle derler. Ve

رَهْطٌ [rehṯ] On ʹadedden nâkıs olandır ki onlar hâlis ricâl olup onlara imre΄e halt olunmaya. Kâlallâhu taʹâlâ: ﴿وَكَانَ فِي الْمَدِينَةِ تِسْعَةُ رَهْطٍ﴾ (النمل 48) Pes رَهْطٌ [rehṯ] cemʹdir, onun vâhidi yoktur, ذَوْدٌ [ževd] gibi ki ذَوْدٌ [ževd] žâl-ı muʹcemenin fethiyle deve sürüsüne derler, üç deveden on deveye varıncaya değin.