Kamus-ı Muhit - الروب maddesi

اَلرَّوْبُ [er-revb] (ثَوْبٌ [šamp;evb] vezninde) ve

اَلرُّؤُوبُ [er-ru΄ûb] (قُعُودٌ [ḵuʹûd] vezninde) Süt uyuyup yoğurt olmak maʹnâsınadır; yukâlu: رَابَ اللَّبَنُ يَرُوبُ رَوْبًا وَرُؤُوبًا إِذَا خَثُرَ Ve

رَوْبٌ [revb] Yoğurda denir, niteki رَائِبٌ [râ΄ib] dahi denir; ʹalâ-kavlin رَوْبٌ [revb] ve رَائِبٌ [râ΄ib] yayıkta yayılıp yağı çıkmış süte denir ki koyusuna yine yoğurt ve sıvığına ayran taʹbîr olunur ki yağsız sâde olur. Ve

رَوْبٌ [revb] ve

رُؤُوبٌ [ru΄ûb] Mütehayyir ve âşüfte olmak maʹnâsına istiʹmâl olunur; yukâlu: رَابَ الرَّجُلُ رَوْبًا وَرُؤُوبًا إِذَا تَحَيَّرَ Ve çok yemekten yâhûd uyku basıp uyuklamak gibi ʹârızadan nâşî vücûd ayran gibi süst ve fâtir olmak maʹnâsınadır; ʹalâ-kavlin uykudan beden ve dimâgı mümtelî ve galîz ve ser-girân kalkmak maʹnâsınadır ki mahmûr kalkması gibi olur. Yâhûd uyku sarhoşu olmak maʹnâsına istiʹmâl olunur ki ziyâdesiyle uyku basıp uyumamakla yâhûd henüz uykuya varmış iken kalkmakla şûrîde-dimâg olmaktan ʹibârettir; yukâlu: رَابَ الرَّجُلُ إِذَا فَتَرَتْ نَفْسُهُ مِنْ شِبَعٍ أَوْ نُعَاسٍ أَوْ قَامَ خَاثِرَ الْبَدَنِ وَالنَّفْسِ أَوْ سَكِرَ مِنَ النَّوْمِ Ve pek yorulup fürû-mânde ve durgun olmak maʹnâsına istiʹmâl olunur; yukâlu: رَابَ الرَّجُلُ إِذَا أَعْيَا Ve yalan söylemek maʹnâsınadır; yukâlu: رَابَ فُلاَنٌ إِذَا كَذَبَ Ve ʹakl ve zihn şûrîde ve muhtelit olmak maʹnâsınadır; yukâlu: رَابَ الرَّجُلُ إِذَا اخْتَلَطَ عَقْلُهُ Ve ʹArablar filân kimseyi boşlayıp “Kendi hâline terk eyle ki helâk pek yaklaştı” diyecek yerde دَعْهُ فَقَدْ رَابَ دَمُهُ derler, niteki يَفُورُ دَمُهُ dahi bu maʹnâda istiʹmâl olunur.