Kamus-ı Muhit - الضاحك maddesi

اَلضَّاحِكُ [eḋ-ḋâḩik] (ism-i fâʹildir) ve

اَلضَّحَّاكُ [eḋ-ḋaḩḩâk] (شَدَّادٌ [şeddâd] vezninde) ve

اَلضَّحُوكُ [eḋ-ḋaḩûk] (صَبُورٌ [ṡabûr] vezninde) ve

اَلْمِضْحَاكُ [el-miḋḩâk] (مِحْرَابٌ [miḩrâb] vezninde) ve

اَلضُّحَكَةُ [eḋ-ḋuḩaket] (هُمَزَةٌ [humezet] vezninde) ve

اَلضُّحُكَّةُ [eḋ-ḋuḩukket] (حُزُقَّةٌ [ḩuzuḵḵat] vezninde) Güleğen adama denir, kesîrü’d-dahik maʹnâsına. Ve

ضَحَّاكٌ [ḋaḩḩâk] ve

ضُحَكَةٌ [ḋuḩaket] (هُمَزَةٌ [humezet] vezninde) Beyne’l-ʹArab zemm ve kadh mahallinde îrâd olunur ki murâd küstâh ve bî-perde olup dâ΄imâ nâsın akvâl ve efʹâline hande eden bî-edebde istiʹmâl olunur, niteki غُرْفَةٌ [ġurfet] vezninde ضُحْكَةٌ [ḋuḩket] bundan mezmûmdur, ke-mâ se-yuzkeru. Ve

ضَحُوكٌ [ḋaḩûk] Yolun açık ve belli yerine ve vasatına ıtlâk olunur; tekûlu: أَخَذْنَا ضَحَّاكَ الطَّرِيقِ وَضَحُوكَهُ أَيِ الْمُسْتَبِينَ مِنْهُ Ve

ضَحَّاكٌ [Ḋaḩḩâk] Selefte bir şâhın ismidir ki bütün arza mâlik olmuştu. Vâlidesi cinniyye olmakla o dahi onlara mülhak olmuştu. Mütercim der ki zâhiren Ferîdûn’un katl eylediği Ḋaḩḩâk Mardûş olacaktır ki deh-âk muʹarrebidir, on ʹayblı demektir. Burhân-ı Ḵâṯıʹ tercememizde mebsûttur.

Vankulu Lugatı - الضاحك maddesi

اَلضَّاحِكُ [eḋ-ḋâḩik] (ḩâ’nın kesriyle) Şol buluttur ki عَارِضٌ [ʹâriḋ] dedikleri bulut gibi ufkta arkırı ola, lâkin ضَاحِكٌ [ḋâḩik] ile müsemmâ olan bulutun berki olur, her bâr ki berk yaldıraya قَدْ ضَحِكَ السَّحَابُ derler.