اَلضَّاجِعَةُ [eḋ-ḋâciʹat] ve
اَلضَّجْعَاءُ [eḋ-ḋacʹâ΄] (حَمْرَاءُ [ḩamrâ΄] vezninde) Firâvân koyuna ve keçiye ıtlâk olunur; yukâlu: غَنَمٌ ضَاجِعَةٌ وَضَجْعَاءُ أَيْ كَثِيرَةٌ Ve
ضَاجِعَةٌ [ḋâciʹat] Derenin yatağına ıtlâk olunur ki suyu akıp dökülecek yeri olacaktır, مَصَبُّ الْوَادِي [meṡabbu’l-vâdî] maʹnâsına. Ve şol dolu kovaya denir ki kuyudan çekip çıkarır iken ağırlığından bir tarafa meyl eder ola; yukâlu: دَلْوٌ ضَاجِعَةٌ أَيْ مُمْتَلِئَةٌ تَمِيلُ فِي ارْتِفَاعِهَا مِنَ الْبِئْرِ لِثِقَلِهَا Bunda müteʹaddî maʹnâsı dahi sâlihtir.
اَلضَّاجِعَةُ [eḋ-ḋâciʹat] (cîm’in kesriyle) ve
اَلضَّجْعَاءُ [eḋ-ḋacʹâ΄] (ḋâd’ın fethi ve cîm’in sükûnuyla ve elifin meddiyle) ve
اَلضَّجْعَى [eḋ-ḋacʹâ] (elifin kasrıyla) Bunların üçü dahi çok olan koyun maʹnâsınadır. Ve baʹzı nüsah-ı Ṡiḩâḩ’ta elif-i maksûre ile olanın zikri terk olunmuştur.
Sitemizde detaylı hızlı ve kolay arama ekranı