Kamus-ı Muhit - الضهل maddesi

اَلضَّهْلُ [eḋ-ḋahl] (أَهْلٌ [ehl] vezninde) Bir kapta birikmiş süte denir. ʹAlâ-kavlin ضَهْلٌ [dahl] ve ضُهُولٌ [ḋuhûl] mutlakan bir nesne tedrîcle birikmek maʹnâsınadır; yaʹnî ضَهْلٌ [ḋahl] ism olmayıp ضُهُولٌ [ḋuhûl] gibi masdardır; yukâlu: ضَهَلَ الشَّيْءُ ضَهْلًا وَضُهُولًا إِذَا اجْتَمَعَ شَيْئًا بَعْدَ شَيْءٍ Ve

ضَهْلٌ [ḋahl] Nâkanın ve kuyunun sütü az olmak maʹnâsınadır; yukâlu: ضَهَلَتِ النَّاقَةُ وَالشَّاةُ إِذَا قَلَّ لَبَنُهُمَا Ve meşrûb azca ve duruca olmak maʹnâsınadır; yukâlu: ضَهَلَ الشَّرَابُ إِذَا قَلَّ وَرَقَّ Ve rücûʹ maʹnâsınadır; yukâlu: ضَهَلَ إِلَيْهِ إِذَا رَجَعَ Ve bir adamın tamâm-ı hakkını ibtâl edip eksik vermek maʹnâsınadır. Ve bu mâ-i kalîl maʹnâsından me΄hûzdur; yukâlu: ضَهَلَ فُلَانًا حَقَّهُ إِذَا نَقَصَهُ إِيَّاهُ وَأَبْطَلَ عَلَيْهِ

Vankulu Lugatı - الضهل maddesi

اَلضَّهْلُ [eḋ-ḋahl] (ḋâd’ın fethi ve hâ’nın sükûnu ile) Bilâ-mukâtele ve lâ-mübâlaga rücûʹ etmek maʹnâsına; yukâlu: ضَهَلَ إِلَيْهِ مِنَ الْبَابِ الثَّالِثِ إِذَا رَجَعَ عَلَى غَيْرِ وَجْهِ الْمُقَاتَلَةِ وَالْمُبَالَغَةِ Ve

ضَهْلٌ [ḋahl] Bir nesneyi az az defʹ etmeğe dahi derler; yukâlu: ضَهَلَهُ إِذَا دَفَعَ إِلَيْهِ قَلِيلًا قَلِيلًا Ve şarâb az olup rakîk olmağa dahi derler; yukâlu: ضَهَلَ الشَّرَابُ إِذَا قَلَّ وَرَقَّ Ve haber ulaşmağa dahi derler; yukâlu: هَلْ ضَهَلَ إِلَيْكُمْ خَبَرٌ أَيْ وَقَعَ Ve

ضَهْلٌ [ḋahl] Az suya dahi derler, mâ΄-i kalîl maʹnâsına, ضَحْلٌ [ḋaḩl] gibi olur veznen ve maʹnen.