اَلْفَرْشَطَةُ [el-ferşeṯat] (şîn-i muʹceme ile دَحْرَجَةٌ [daḩrecet] vezninde) Paçaları gerip apışı ayırarak oturmak, ʹalâ-kavlin kıynaklarını yere verip inciklerine söykenerek oturmak yâhûd davara bindikte iki ayaklarını bir taraftan bast ederek oturmak maʹnâsınadır ki yan oturmak taʹbîr olunur; yukâlu: فَرْشَطَ الرَّجُلُ إِذَا قَعَدَ فَفَتَحَ مَا بَيْنَ رِجْلَيْهِ أَوْ أَلْصَقَ أَلْيَتَيْهِ بِالْأَرْضِ فَتَوَسَّدَ سَاقَيْهِ أَوْ بَسَطَ فِي الرُّكُوبِ رِجْلَيْهِ عَنْ جَانِبٍ وَاحِدٍ Ve deve yere salkı çökmek maʹnâsınadır; yukâlu: فَرْشَطَ الْبَعِيرُ إِذَا بَرَكَ بُرُوكًا مُسْتَرْخِيًا Ve et doğramak maʹnâsınadır; yukâlu: فَرْشَطَ اللَّحْمَ إِذَا شَرْشَرَهُ Ve bir nesneyi çekip sündürmek maʹnâsınadır; yukâlu: فَرْشَطَ الشَّيْءَ إِذَا مَدَّهُ Ve nâka sağalmak için ve erkek deve işemek için apışını ayırmak maʹnâsınadır; yukâlu: فَرْشَطَتِ النَّاقَةُ إِذَا تَفَحَّجَتْ لِلْحَلْبِ وَفَرْشَطَ الْجَمَلُ إِذَا تَفَحَّجَ لِلْبَوْلِ
اَلْفَرْشَطَةُ [el-ferşeṯat] (ʹalâ-vezni اَلدَّحْرَجَة [ed-daḩrecet]) Bir kimse otururken yâhûd dururken ayaklarını birbirinden ayırmaktır, فَرْشَحَةٌ [ferşeḩat] gibi ki فَرْشَحَةٌ [ferşeḩat] dahi fâ ile ve şîn-i muʹceme ve ḩâ-i mühmele ile zikr olunan maʹnâyadır; yukâlu: فَرْشَطَتِ النَّاقَةُ إِذَا تَفَحَّجَتْ لِلْحَلْبِ وَفَرَشْطَ الْجَمَلُ إِذَا تَفَحَّجَ لِلْبَوْلِ
Sitemizde detaylı hızlı ve kolay arama ekranı