اَلْقِمَطْرُ [el-ḵimaṯr] (سِبَحْلٌ [sibaḩl] vezninde) Ayrı gövdeli, kavî ve tüvânâ olan erkek deveye denir. Ve bodur adama denir. Ve kitâb vikâyesine denir ki içinde kitâb hıfz olunacak zarftır, mahfaza dahi denir ki işbu: ḣلَيْسَ بِعِلْمٍ مَا يَعِي الْقِمَطْرُ || مَا الْعِلْمُ إِلاَّ مَا وَعَى الصَّدْرُḢ beytinde vâkiʹ olmuştur. Teşdîd-i mîm’le قِمَّطْرٌ câ΄iz değildir. Ve
قِمَطْرٌ [ḵimaṯr] Mahbûs ayağına vurulan tomruğa denir. Ve
قِمَطْرُ الرِّجْلِ [ḵimaṯru’r-ricl] Şol köpeğe vasf olur ki incikleri eğri olmakla bağlı gibi olduğundan sürʹatle seğirtemez ola; yukâlu: كَلْبٌ قِمَطْرُ الرِّجْلِ إِذَا كَانَ بِهِ عُقَّالٌ مِنْ اِعْوِجَاجِ سَاقَيْهِ
اَلْقِمَطْرُ [el-ḵimaṯr] (ḵâf’ın kesri ve mîm’in fethi ve ṯâ’nın sükûnuyla) ve
اَلْقِمَطْرَةُ [el-ḵimaṯret] (kezâlik ḵâf’ın kesriyle) Bunların ikisi de kitâb hıfz olunacak zarfa derler.
Sitemizde detaylı hızlı ve kolay arama ekranı