اَلْإِنْذَارُ [el-inžâr] (hemzenin kesriyle) ve
اَلنَّذْرُ [en-nežr - en-nužr - en-nužur] (nûn’un fethi ve žâl’ın sükûnuyla ve nûn’un zammı ve zammeteynle) ve
اَلنَّذِيرُ [en-nežîr] (صَرِيرٌ [ṡarîr] vezninde) Bir adama bir mâddeyi iʹlâm ve iblâgla tahzîr ve tahvîf eylemek yaʹnî o mâddenin korkunç olduğunu ihbâr ve iʹlâmla ona korku verip âgâh eylemek maʹnâsınadır ki تَبْشِيرٌ [tebşîr] mukâbilidir; yukâlu: أَنْذَرَهُ بِالْأَمْرِ إِنْذَارًا وَنَذْرًا وَنُذْرًا وَنُذُرًا وَنَذِيرًا إِذَا أَعْلَمَهُ وَحَذَّرَهُ وَخَوَّفَهُ فِي إِبْلاَغِهِ وَالْإِسْمُ النُّذْرَى بِالضَّمِّ كَبُشْرَى وَالنُّذُرُ بِضَمَّتَيْنِ وَمِنْهُ قَوْلُهُ تَعَالَى ﴿فَكَيْفَ كَانَ عَذَابِي وَنُذُرِ﴾ أَيْ إِنْذَارِي Pes zammeteynle نُذُرٌ [nužur] masdar ve ism olur ve kaldı ki sîga-i mezbûre ifʹâl bâbından olup masdarı kıyâs üzere ifʹâl ve kıyâsa muhâlif semâʹî olarak sülâsîden dahi vârid olmuştur, ʹArabdan bu vechle mesmûʹdur.
اَلنَّذِيرُ [en-nežîr] (nûn’un fethi ve žâl’ın kesri ve meddiyle) Korku haberin verici, مُنْذِرٌ [munžir] maʹnâsına. Ve
نَذِيرٌ [nežîr] إِنْذَارٌ [inžâr] maʹnâsına da gelir.
Sitemizde detaylı hızlı ve kolay arama ekranı