Kamus-ı Muhit - تمعدد maddesi

اَلتَّمَعْدُدُ [et-temaʹdud] (تَمَسْكُنٌ [temeskun] vezninde) Maʹad kabîlesine teşebbüh edip onlar gibi meskenet üzere olmak yâhûd onlara nisbet iddiʹâ eylemek yâhûd onlar gibi maʹâş-ı kalîle sabr ve kanâʹat eylemek maʹnâsınadır; yukâlu: تَمَعْدَدَ الرَّجُلُ إِذَا تَزَيَّا بِزِيِّ مَعَدٍّ أَوْ تَنَسَّبَ إِلَيْهِ أَوْ تَصَبَّرَ عَلَى عَيْشِهِمْ Cevherî işbu “تَمَعْدَدُوا وَاخْشَوْشِنُوا” hadîsini Hazret-i ʹÖmer’den mevkûfen zikr eylemekle vehm eylemiştir, savâb olan kâle’n-nebiyyu ʹaleyhi’s-selâm ʹunvânıyla merfûʹan zikr eylemektir. İbn Ebî Ḩadred ʹunvân-ı mezkûr ile rivâyet eylemiştir. Ve

تَمَعْدُدٌ [temaʹdud] Oğlan yâl ü bâl sâhibi olup vücûdu tamâm kuvvet ve aʹzâ ve endâmı gılzat bulmak maʹnâsına müstaʹmeldir; yukâlu: تَمَعْدَدَ الْغُلاَمُ إِذَا شَبَّ وَغَلُظَ

Vankulu Lugatı - تمعدد maddesi

اَلتَّمَعْدُدُ [et-temaʹdud] (tâ’nın ve mîm’in fethi ve ʹayn’ın sükûnuyla) Meʹadd’a teşbîh kasd edip onlara mensûb olmak yâhûd Meʹadd maʹîşeti gibi maʹîşet etmek; yukâlu: تَمَعْدَدَ الرَّجُلُ أَيْ تَزَيَّا بِزِيِّهِمْ أَوْ تَنَسَّبَ إِلَيْهِمْ Ve ʹÖmer b. el-Ḣaṯṯâb radıyallâhu ʹanhu eyitti: إِخْشَوْشِنُوا أَوْ تَمَعْدَدُوا Yaʹnî “Libâsın irisin giyip kıllet üzere maʹîşet eylen.” Ve Ebû ʹUbeyde eyitti: تَمَعْدُدٌ [temaʹdud] dahi gılzat maʹnâsınadır; yukâlu: تَمَعْدَدَ الْغُلَامُ إِذَا شَبَّ وَغَلُظَ ve yukâlu: تَمَعْدَدُوا أَيْ تَشَبَّهُوا بِعَيْشِ مَعَدٍّ Yaʹnî tenaʹʹumu ve ziyy-i ʹacemi terk edip eb-i ʹArab olan Meʹadd maʹîşeti gibi maʹîşet edin ki Meʹadd kabîlesi maʹîşet bâbında cüz΄î nesne ile geçinirlerdi. Ve kezâlik ʹÖmer’in radıyallâhu ʹanhu hadîs-i âharında “عَلَيْكُمْ بِالنِّسْبَةِ الْمَعَدِّيَّةِ” baʹzı nüshada “عَلَيْكُمْ بِاللِّبْسَةِ” dahi vâkiʹ olmuştur, لِبَاسٌ [libâs]tan kesr-i lâm’la. Ve

تَمَعْدُدٌ [temaʹdud] Tebâʹud maʹnâsına da gelir; yukâlu: تَمَعْدَدَ إِذَا تَبَاعَدَ