اَلتَّلْتَلَةُ [et-teltelet] (زَلْزَلَةٌ [zelzelet] vezninde) Bir nesneyi sarsıp ırgalamak maʹnâsınadır; yukâlu: تَلْتَلَ الشَّيْءَ إِذَا حَرَّكَهُ وَأَقْلَقَهُ Ve ırgalanmak maʹnâsınadır; yukâlu: تَلْتَلَ الشَّيْءُ إِذَا زَلْزَلَ Ve pek pek yürümek maʹnâsınadır; yukâlu: تَلْتَلَ الرَّجُلُ إِذَا سَارَ شَدِيدًا Ve davarı ʹunf ve şiddetle sürmek maʹnâsınadır; yukâlu: تَلْتَلَ الدَّابَّةَ إِذَا سَاقَهَا عَنِيفًا Ve katılık, şiddet maʹnâsınadır; yukâlu: لَقِيَ مِنْهُ تَلْتَلَةً أَيْ شِدَّةً Ve
تَلْتَلَةٌ [teltelet] Şol maşrabaya denir ki hurmânın ibtidâ çıkan yemişinin kapçıklarından düzülmüş ola. Ve
تَلْتَلَةُ بَهْرَاءَ [telteletu Behrâ΄] Behrâ΄ halkının muzâraʹat harfini meksûr telaffuz eylemelerinden ʹibârettir. Şârih der ki niteki Ḵays ve Temîm’in hemzeyi ʹayn’a tebdîllerine عَنْعَنَةٌ [ʹanʹanet] ve Hužeyl’in ḩâ’yı ʹayn’a tebdîllerine فَحْفَحَةٌ [faḩfeḩat] ve Rebîʹa ve Muḋarr’ın kâf-ı hitâb-ı mü΄ennesten sonra şîn-i muʹceme ilhâkına كَشْكَشَةٌ [keşkeşet] derler. Ve bunların tafsîli Kitâb-ı Muzhir’de mebsûttur.
Sitemizde detaylı hızlı ve kolay arama ekranı