اَلتَّقَمُّرُ [et-teḵammur] (تَفَعُّلٌ [tefaʹʹul] vezninde) Arslan kısmı mehtâb gecede şikâr talebinde olmak maʹnâsınadır; yukâlu: تَقَمَّرَ الْأَسَدُ إِذَا طَلَبَ الصَّيْدَ فِي الْقَمْرَاءِ Âhû kısmının mehtâbda gözleri kamaşır olmakla sayyâdlar ve sâ΄ir vuhûş mehtâblarda onların saydı kaydında olmalarıyla arslana tahsîs nâ-müveccehtir, belki ʹumûm üzeredir. Ve
تَقَمُّرٌ [teḵammur] Bir hatunu hudʹa ile dubaraya getirmek, ʹalâ-kavlin mehtâbda onunla cimâʹ eylemek maʹnâsınadır; yukâlu: تَقَمَّرَ الْمَرْأَةَ إِذَا اخْتَدَعَهَا أَوِ ابْتَنَى عَلَيْهَا فِي الْقَمْرَاءِ Ve bir adamla kumar oynamak maʹnâsınadır; yukâlu: تَقَمَّرَهُ إِذَا قَامَرَهُ Ke-mâ se-yuzkeru. Ve tezevvüc eylemek maʹnâsınadır; yukâlu: تَقَمَّرَ الْمَرْأَةَ إِذَا تَزَوَّجَهَا
اَلتَّقَمُّرُ [et-teḵammur] (fethateynle ve mîm’in zammı ve teşdîdiyle) Ay aydınında gelmek; yukâlu: تَقَمَّرْتُهُ إِذَا أَتَيْتَهُ فِي الْقَمْرَاءِ ve yukâlu: تَقَمَّرَ الْأَسَدُ إِذَا خَرَجَ فِي الْقَمْرَاءِ يَطْلُبُ الصَّيْدَ Ve
تَقَمُّرٌ [teḵammur] Kumarda gâlib olmağa da derler, İbn Dureyd rivâyeti üzere.
Sitemizde detaylı hızlı ve kolay arama ekranı