اَلطَّفْحُ [eṯ-ṯafḩ] (ṯâ’nın fethi ve fâ’nın sükûnuyla) ve
اَلطُّفُوحُ [eṯ-ṯufûḩ] (قُعُودٌ [ḵuʹûd] vezninde) Kap makûlesi nesne taşıp dökülmek derecesinde başlı dolmak maʹnâsınadır ki Fârisîde serşâr ve leb-rîz mürâdifidir; yukâlu: طَفَحَ اْلإِنَاءُ طَفْحًا وَطُفُوحًا مِنَ الْبَابِ الثَّالِثِ إِذَا امْتَلَأَ وَارْتَفَعَ يَعْنِي حَتَّى يَفِيضَ Ve
طَفْحٌ [ṯafḩ] Bu maʹnâda müteʹaddî olur; yukâlu: طَفَحَ الرَّجُلُ اْلإِنَاءَ طَفْحًا إِذَا مَلَأَهُ Ve gebe hatun ve sâ΄ir hayvân müddeti tamâm olarak veled doğurmak maʹnâsına istiʹmâl olunur ki aʹzâ ve endâmı kâmil olmakla gûyâ ki cüssesi dopdolu olarak doğurmuş olur; yukâlu: طَفَحَتِ الْمَرْأَةُ بِالْوَلَدِ طَفْحًا إِذَا وَلَدَتْهُ لِتَمَامٍ Ve yel bir nesneyi havâya ağdırıp kaldırmak maʹnâsınadır ki başlı doldurmak maʹnâsından me΄hûzdur, rifʹati mutazammın olduğu için; yukâlu: طَفَحَتِ الرِّيحُ الْقُطْنَةَ إِذَا سَطَعَتْ بِهَا Ve gitmek maʹnâsına istiʹmâl olunur; tekûlu: إِطْفَحْ عَنِّي أَيِ اذْهَبْ عَنِّي Ânifen zikr olunan سَطْعُ رِيحٍ maʹnâsınadan yâhûd “benden zâ΄il olup âher mekânı doldur” dakîkasından istiʹmâl oluna.
Sitemizde detaylı hızlı ve kolay arama ekranı