اَلنِّيَةُ [en-niyyet] (nûn’un kesri ve yâ’nın teşdîdi ve tahfîfiyle) Bir nesneye kasd ve ʹazm eylemek maʹnâsınadır ki ona mübâşerete ʹakd-i kalb eylemekten ʹibârettir; yukâlu: نَوَى الشَّيْءَ يَنْوِيهِ نِيَّةً وَنِيَةً إِذَا قَصَدَهُ Ve bir nesneyi zâyiʹ eylemeyip hıfz ve sıyânet eylemek maʹnâsına müstaʹmeldir, lüzûm ʹalâkasıyla; yukâlu: نَوَى اللهُ فُلَانًا أَيْ حَفِظَهُ Ve
نِيَّةٌ [niyyet] ʹAzm ve teveccüh olunan semt ve merâma denir, gerek sefer ve gerek ʹamel ve hâcet makûlesi olsun; yukâlu: نَوَى نِيَّةً أَيْ قَصَدَ الْوَجْهَ الَّذِي يُذْهَبُ فِيهِ Ve ırak olmak, buʹd maʹnâsınadır, ke-mâ se-yuzkeru.
اَلنَّوَاةُ [en-nevât] (nûn’un fethi ve vâv’ın tahfîfiyle) Kezâlik ʹazm etmek; tekûlu: نَوَيْتُ نِيَّةً وَنَوَاةً إِذَا عَزَمْتَ Ve
نَوَاةٌ [nevât] Hurmâ çekirdeği maʹnâsına dahi gelir. Ve
نِيَّةٌ [niyyet] Hâcet maʹnâsına dahi gelir; yukâlu: فِي بَنِي فُلَانٍ نِيَّةٌ أَيْ حَاجَةٌ Ve
نِيَّةٌ [niyyet] Teveccüh olan cânibe dahi derler.
Sitemizde detaylı hızlı ve kolay arama ekranı