Kamus-ı Muhit - التشذر maddesi

اَلتَّشَذُّرُ [et-teşežžur] (تَفَعُّلٌ [tefaʹʹul] vezninde) Cenk ve kıtâle hâzırlanmak maʹnâsınadır; yukâlu: تَشَذَّرَ الرَّجُلُ إِذَا تَهَيَّأَ لِلْقِتَالِ Ve bir adama lisânla korku vermek maʹnâsınadır; yukâlu: تَشَذَّرَ فُلاَنًا إِذَا تَوَعَّدَهُ Ve gazab peydâ eylemek maʹnâsınadır; yukâlu: تَشَذَّرَ الرَّجُلُ إِذَا تَغَضَّبَ Ve cünbüş ve neşâta gelmek maʹnâsınadır; yukâlu: تَشَذَّرَ الرَّجُلُ إِذَا نَشِطَ Ve bir işe sürʹat ve şitâb eylemek maʹnâsınadır; yukâlu: تَشَذَّرَ الرَّجُلُ إِذَا تَسَرَّعَ إِلَى الْأَمْرِ Mü΄ellif burada تَهَدَّدَ kelimesiyle tefsîr eylemekle tekrâr eylemiştir, zîrâ تَوَعَّدَ ve تَهَدَّدَ bir maʹnâyadır ki ʹukûbetle korkutmaktan ʹibârettir. Ve dâbbe kısmı iyice çayır görmekle ferah ve neşâtından cünbüşe gelip başını beri öte sallayıp oynatmak maʹnâsınadır; yukâlu: تَشَذَّرَتِ النَّاقَةُ إِذَا رَأَتْ رِعْيًا فَحَرَّكَتْ رَأْسَهَا فَرَحًا Ve kamçı bir tarafa eğilip beri öte dönüp oynamak maʹnâsınadır; yukâlu: تَشَذَّرَ السَّوْطُ إِذَا مَالَ وَتَحَرَّكَ Ve nâs dağılmak maʹnâsınadır; yukâlu: تَشَذَّرَ الْجَمْعُ إِذَا تَفَرَّقُوا Ve cenkte birbirini kahr ve irgâm eylemek maʹnâsınadır; yukâlu: تَشَذَّرُوا فِي الْحَرْبِ إِذَا تَطَاوَلُوا Ve art eteği butlar aralığından alıp kuşağa sokmak maʹnâsınadır; yukâlu: تَشَذَّرَ بِالثَّوْبِ إِذَا اسْتَثْفَرَ Ve dâbbeye ensesinden binmek maʹnâsınadır; yukâlu: تَشَذَّرَ فَرَسَهُ إِذَا رَكِبَهُ مِنْ وَرَائِهِ

Vankulu Lugatı - التشذر maddesi

اَلتَّشَذُّرُ [et-teşežžur] (fethateynle ve žâl’ın zammı ve teşdîdiyle) İnsân art eteğin iki ayağı arasından alıp kuşağına sokmak. Ve hayvân kuyruğun iki butu arasına almağa derler. Ve

تَشَذُّرٌ [teşežžur] Uğraşa hazırlanmak. Ve uğraş mümtedd olmağa dahi derler; yukâlu: تَشَذَّرَ الْقَوْمُ فِي الْحَرْبِ إِذَا تَطَاوَلُوا Ve ata ardından binmeğe dahi derler; yukâlu: تَشَذَّرَ فَرَسَهُ أَيْ رَكِبَهُ مِنْ وَرَائِهِ Ve

تَشَذُّرٌ [teşežžur] Korku haberin vermeğe dahi derler, وَعِيدٌ [veʹîd] maʹnâsına.