اَلْقُرْدُمَانِيُّ [el-ḵurdumâniyy] (ḵâf’ın zammı ve yâ’nın teşdîdiyle ki mensûbdur) Ḣaftân taʹbîr olunan pamuklu kalın câmeye denir ki cenklerde pehlivânlar zırh altından giyerler, Fârisîde kebr denir kâf-ı ʹarabînin fethi ve bâ’nın sükûnuyla, ḵazâgend dahi derler. ʹAlâ-kavlin bir gûne silâh ismidir ki selefte ekâsire-i ʹAcem hazînelerine vazʹ ve iddihâr ve hîn-i hâcette istiʹmâl ederler idi yâhûd sevb-i kürdvânî tarzında kalın zırha denir yâhûd tolgaya yâhûd tolgalı zırh külâhına denir ki ışık taʹbîr olunur. Ve lafz-ı mezbur muʹarrebdir. Şârih der ki ekser-i e΄imme kerdumând-i Fârisîden muʹarrebdir dediler ki kâf’ın fethiyledir, “kerd” mâzîdir “işledi” maʹnâsına ve “mând” kezâlik mâzîdir “kaldı” maʹnâsına. Baʹde’t-terkîb maʹmûl-ı metrûk maʹnâsına istiʹmâlle ekâsire-i Aacem hazînelerine mahsûsaten ıtlâk eylediler, baʹdehu taʹrîb ve tahfîfle قُرْدُمَانِيٌّ [ḵurdumâniyy] dediler. Ve kürdvânî bir kesim libâstır ki kalın olur, Ekrâd’a mahsûstur.
اَلْقُرْدُمَانِيُّ [el-ḵurdumâniyy] (ḵâf’ın ve dâl’ın kezâlik zammı ve yâ’nın teşdîdiyle) Şol penbeli kaftandır ki onu hâlet-i harbde giyerler, Fârisî-i muʹarreb ki lisân-ı Rûmîde yâhûd lisân-ı Nabaṯîde “kebr” derler kâf’ın fethi ve râ’nın sükûnuyla.
Sitemizde detaylı hızlı ve kolay arama ekranı