اَلْإِسْتِلَامُ [el-istilâm] (إِفْتِعَالٌ [iftiʹâl] vezninde) ve
اَلْإِسْتِلْآمُ [el-istil΄âm] (إِسْتِفْعَالٌ [istifʹâl] vezninde) Hâssaten hacer-i esvedi lems eylemek maʹnâsınadır ki ziyâret eylemek taʹbîr olunur, öpmek ile yâ el sürmek ile olur; yukâlu: إِسْتَلَمَ الْحَجَرَ يَعْنِي الْأَسْوَدَ إِسْتِلَامًا وَاسْتَلْأَمَهُ اِسْتِلْآمًا إِذَا لَمَسَهُ إِمَّا بِالْقُبْلَةِ أَوْ بِالْيَدِ
اَلْإِسْتِلَامُ [el-istilâm] (hemzenin ve tâ’nın kesriyle) Hacer-i esvedi ziyâret etmek yâ öpmekle yâhûd taʹzîm vechiyle el değirmekle. Ve bu hemze ile istiʹmâl olunmaz, zîrâ سَلَامٌ [selâm]dan me΄hûzdur, hacer maʹnâsına, nitekim إِسْتَنْوَقَ الْجَمَلُ derler nâka maʹnâsından ahz ediben.Ve baʹzılar mezbûru hemze ile dahi istiʹmâl etmiştir,nüsah-ı Ṡıḩâḩ’ta bu resme vâkiʹ olmuştur ve lâkin mezbûrun mehmûz olması ne tarîkle olduğu Ṡıḩâḩ’ta ve sâ΄ir kütübde beyân olunmamıştır. Zâhir budur ki mehmûz kılanlar إِسْتَلْأَمَ الْحَجَرُ demiştir, لَأْمٌ [le΄m]den me΄hûz olmakla muvâfakat ve inkıyâd maʹnâsına.
Sitemizde detaylı hızlı ve kolay arama ekranı