اَلْإِشْتِجَارُ [el-işticâr] (إِفْتِعَالٌ [iftiʹâl] vezninde) Niçe kimseler birbirine muhâlefet ve münâzaʹat edişmek maʹnâsınadır ki burada iftiʹâl müşâreket içindir; yukâlu: إِشْتَجَرَ الْقَوْمُ إِذَا تَخَالَفُوا Ve bir kimse elini çenesi altına koyup dirseği üzere dayanmak maʹnâsınadır, mütefekkir ve melûl hâletidir, شَجْرٌ [şecr]-i âtîden me΄hûzdur; yukâlu: إِشْتَجَرَ الرَّجُلُ إِذَا وَضَعَ يَدَهُ تَحْتَ ذَقَنِهِ وَاتَّكَأَ عَلَى مِرْفَقِهِ Ve sebk ve takaddüm eylemek, نَجَاءٌ [necâ΄] maʹnâsına müstaʹmeldir ki ileri geçmekle gûyâ ki شَجَرٌ [şecer] gibi uzamış olur; yukâlu: إِشْتَجَرَ عَلَيْهِ إِذَا سَبَقَهُ وَتَقَدَّمَ عَلَيْهِ Şârih burada نَجَاءٌ [necâ΄] kelimesini sebk ve takaddüm ile tefsîr eylemiştir. Ve uyku kaçmak maʹnâsına müstaʹmeldir; yukâlu: إِشْتَجَرَ نَوْمُهُ إِذَا تَجَافَى عَنْهُ ve yukâlu: بَاتَ النَّوْمُ مُشْتَجِرًا إِذَا تَجَافَى عَنْ صَاحِبِهِ
اَلْإِشْتِجَارُ [el-işticâr] ve
اَلتَّشَاجُرُ [et-teşâcur] (hemzenin kesriyle) Nizâʹ edişmek; yukâlu: إِشْتَجَرَ الْقَوْمُ وَتَشَاجَرُوا أَيْ تَنَازَعُوا Ve
تَشَاجُرٌ [teşâcur] Dürtüşmek maʹnâsına da gelir; yukâlu: تَشَاجَرُوا بِالرِّمَاحِ أَيْ تَطَاعَنُوا Ve
إِشْتِجَارٌ [işticâr] Bir kimse elini eneği altına komağa dahi derler; yukâlu: إِشْتَجَرَ الرَّجُلُ إِذَا وَضَعَ يَدَهُ تَحْتَ شَجْرِهِ عَلَى حَنَكِهِ
Sitemizde detaylı hızlı ve kolay arama ekranı