اَلْأَسَلُ [el-esel] (fethateynle) Koğalak ve hasır otu dedikleri nebâta denir ki sazlık aksâmındandır. Ve teşbîhle mızrak kargılarına ve oklara ıtlâk olunur. Ve hurmâ ağacının sivri sivri dikenlerine denir. Ve şol çubuk tarzında fidanlara ve dallara denir ki yapraksız düz ve hemvâr bitip ondan hasır ve sepet makûlesi nesc ederler, ʹalâ-kavlin eğri olmayıp düz ve doğru olan çubuklara ve şâhlara ıtlâk olunur; müfredi أَسَلَةٌ [eselet]tir. Ve أَسَلَةُ اللِّسَانِ [eseletu’l-lisân] Dilin sivri ucuna ıtlâk olunur. Ve
أَسَلَةُ الْبَعِيرِ [eseletu’l-baʹîr] Devenin ḵaḋîbine yaʹnî zekerine ıtlâk olunur. Ve
أَسَلَةُ النَّصْلِ [eseletu’n-naṡl] Temrenin yalmanına ıtlâk olunur. Ve
أَسَلَةُ الذِّرَاعِ [eseletu’ž-žirâʹ] Kolun incelen yerine ıtlâk olunur. Ve
أَسَلَةُ النَّعْلِ [eseletu’n-naʹl] Papucun burnundan ʹibârettir. Ve işbu أَسَلَةٌ [eselet] kelimesi “ع،ظ،م” mâddesinde iʹâde olunur, inşâ΄allâhu taʹâlâ.
اَلْأَسَلُ [el-esel] (fethateynle) Bir cins ağaçtır.Baʹzılar eyitti: Her ağaç ki onun uzun dikeni ola,onun dikenine أَسَلٌ [esel] derler. Ve gönderlere dahi أَسَلٌ [esel] derler.
Sitemizde detaylı hızlı ve kolay arama ekranı