اَلتَّجْرِيدُ [et-tecrîd] (تَفْعِيلٌ [tefʹîl] vezninde) Kuraklık yeri nebâttan hâlî kılmak maʹnâsınadır; yukâlu: جَرَّدَ الْقَحْطُ الْأَرْضَ إِذَا جَعَلَهَا جَرْدَاءَ Ve bir nesnenin kışrını soymak maʹnâsınadır; yukâlu: جَرَّدَ الْعُودَ إِذَا قَشَرَهُ Ve derinin tüylerini koparıp kavlatmak maʹnâsınadır; yukâlu: جَرَّدَ الْجِلْدَ إِذَا نَزَعَ شَعْرَهُ Ve istediği nesneden mahrûm olmak yâhûd maʹa’l-kerâha nâ΄il olmak maʹnâsınadır, جَرْدٌ [cerd] gibi; yukâlu: جَرَّدَ الْقَوْمَ إِذَا سَأَلَهُمْ فَمَنَعُوهُ أَوْ أَعْطَوْهُ كَارِهِينَ Ve soyup çıplatmak maʹnâsınadır; yukâlu: جَرَّدَ زَيْدًا مِنْ ثَوْبِهِ إِذَا عَرَّاهُ Ve pamuğu hallâclamak maʹnâsınadır; yukâlu: جَرَّدَ الْقُطْنَ إِذَا حَلَجَهُ Ve kılıcı kınından sıyırmak maʹnâsınadır; yukâlu: جَرَّدَ السَّيْفَ إِذَا سَلَّهُ Ve yazıyı nokta ve iʹrâb makûlesi zâbıtadan hâlî yazmak maʹnâsınadır; yukâlu: جَرَّدَ الْكِتَابَةَ إِذَا لَمْ يَضْبِطْهُ Ve hacc-ı kırân eylemeyip hacc-ı ifrâd eylemek maʹnâsınadır; yukâlu: جَرَّدَ الْحَجَّ إِذَا أَفْرَدَهُ وَلَمْ يَقْرِنْ Ve köhne esvâb giymek maʹnâsınadır; yukâlu: جَرَّدَ الرَّجُلُ إِذَا لَبِسَ الْجُرُودَ أَيِ الْخُلْقَانَ
اَلتَّجْرِيدُ [et-tecrîd] (ʹalâ-vezni اَلتَّكْرِيم [et-tekrîm]) Bir kimseyi giysisinden çıkarmak. Ve kılıcı kınından çıkarmak. Ve ağacın budağın kesip ıslâh etmek.
Sitemizde detaylı hızlı ve kolay arama ekranı