اَلتَّحَرِّي [et-teḩarrî] (تَفَعُّلٌ [tefaʹʹul] vezninde) Bir nesneye samîmî kasd ve ʹazm eylemek maʹnâsınadır; yukâlu: تَحَرَّاهُ إِذَا تَعَمَّدَهُ Ve istiʹmâle elyak ve çesbân olan nesneyi taleb eylemek maʹnâsınadır; yukâlu: تَحَرَّى الرَّجُلُ إِذَا طَلَبَ مَا هُوَ أَحْرَى بِالْإِسْتِعْمَالِ Ve bir mekânda temekkün eylemek maʹnâsınadır; yukâlu: تَحَرَّى بِالْمَكَانِ إِذَا تَمَكَّثَ بِهِ
اَلتَّحَرِّي [et-teḩarrî] (fethateynle ve râ’nın kesri ve teşdîdiyle) Bir nesnenin lâyık olanını taleb etmek.Maʹnâ-yı mezbûrdan me΄hûzdur,تَقَمُّنٌ [teḵammun] maʹnâ-yı قَمْنٌ [ḵamn]den me΄hûz olduğu gibi. Ve تَقَمُّنٌ [teḵammun] dahi bir nesnenin lâyıkın taleb etmektir; yukâlu: تَحَرَّى فِي الْأَشْيَاءِ إِذَا طَلَبَ مَا هُوَ أَحْرَى بِالْإِسْتِعْمَالِ فِي غَالِبِ الظَّنِّ Ve
تَحَرِّي [teḩarrî] Bir nesneye kasd ve teveccüh etmeğe dahi derler; minhu kavluhu taʹâlâ: ﴿فَأُولَئِكَ تَحَرَّوْا رَشَدًا﴾ (الجن، 14) أَيْ تَوَخَّوْا وَعَمَدُوا Ve
تَحَرِّي [teḩarrî] Bir yerde karâr kılıp temekkün etmeğe dahi derler.
Sitemizde detaylı hızlı ve kolay arama ekranı