Kamus-ı Muhit - العاتكة maddesi

اَلْعَاتِكَةُ [el-ʹâtiket] Aşı tutmaz olan hurmâ ağacına denir; yukâlu: نَخْلَةٌ عَاتِكَةٌ إِذَا صَارَتْ لَا تَأْتَبِرُ Ve tîb ve gül-gûne sürünmekten çehresi kıpkızıl olan ʹavrete denir; yukâlu: إِمْرَأَةٌ عَاتِكَةٌ أَيْ مُحْمَرَّةٌ مِنَ الطِّيبِ Ve

عَاتِكَةُ [ʹÂtiket] Esmâ-i nisvândandır: Peygamber-i ekrem sallallâhu ʹaleyhi ve sellem hazretlerinin ceddâtında dokuz nefer ʹÂtike gelmiştir ki عَوَاتِكُ [ʹAvâtik] ile taʹbîr olunur: üç neferi Suleym kabilesindendir, biri ʹÂtike bint Hilâl’dir ki Hâşim’in ceddinin vâlidesidir ve biri ʹÂtike bint Murre b. Hilâl’dir ki Hâşim’in vâlidesidir ve biri ʹÂtike bint Evḵaṡ b. Murre b. Hilâl’dir ki Vehb b. ʹAbdumenâf’ın vâlidesidir. Ve bâkîleri Suleym kabîlesinin gayrıdandır. Kâle fi’n-Nihâye kâle’n-Nebiyyu ʹaleyhi’s-salâtu ve’s-selâm: “أَنَا ابْنُ الْعَوَاتِكِ مِنْ سُلَيْمٍ” Benû Suleym’i meziyyet cihetiyle tasrîh ve tahsîs buyurdular. Ve ʹÂtike bint Useyd ve ʹÂtike bint Ḣâlid ve ʹÂtike bint Zeyd b. ʹAmr ve ʹÂtike bint ʹAbdullâh ve ʹÂtike bint ʹAvf ve ʹÂtike bint Nuʹaym ve ʹÂtike bint el-Velîd sahâbiyyelerdir.

Vankulu Lugatı - العاتكة maddesi

اَلْعَاتِكَةُ [el-ʹâtiket] (tâ’nın kesriyle) Şol ağaç yaydır ki eskiyip kızarmış ola. Ve

عَاتِكَةٌ [ʹÂtiket] Esmâ-i nisâdandır. Kâle’n-nebiyyu sallallâhu ʹaleyhi ve sellem yevme Ḩuneyn: “أَنَا ابْنُ الْعَوَاتِكِ مِنْ سُلَيْمٍ” Yaʹnî عَوَاتِكُ [ʹAvâtik] ismi ile müsemmâ olan ceddâttandır vilâdetim ki onlar dokuz ʹaded kimsedir: Biri ʹÂtike bint Hilâl’dır ki Hâşim’in ceddinin anasıdır. Ve biri ʹÂtike bint Murre b. Hilâl’dır ki Hâşim’in anasıdır. Ve biri dahi ʹÂtike bint el-Evḵaṡ’tır, Vehb b. ʹAbdumenâf’ın anasıdır ki Vehb, Resûlun anasının babasıdır. Bunlar Benî Suleym’den gayrıdandır.